Čegem

Vikipedii-späi
Čegem
Чегем (ven. i kar. da balk.)
Шэджэм (kab. da čerk.)
Valdkund Venäma
Eläjiden lugu (2022) 18,726 ristitud
Pind 73 km²
Čegem Чегем (ven. i kar. da balk.) Шэджэм (kab. da čerk.)
Pämez' Alim Gubžokov
(kül'mku 2021—)
Telefonkod +7−86 634-xx-xxx
Avtokod 07
Aigvö UTC+3 (MSK+0)


Čegem (ven.: Чеге́м, kar. da balk.: Чегем, kab. da čerk.: Шэджэм) om Venäman lidn Kabardinijan da Balkarijan Tazovaldkundan keskuses, Nal'čikan pohjoine ezilidn. Se om Čegeman rajonan administrativine keskuz da üks'jäine lidn.

Istorii[vajehta | vajehtada tekst]

Eländpunktan aluz om pandud vl 1822 kuti Kundetovo-külä (kab. da čerk.: Къундетей) elänzoitmaha tahod alištunuzil Venäman tobmudele sijaližil heimoil. Vl 1920 udesnimitihe žilod Ezmäižeks Čegemaks (ven.: Чегем Первый) toižiden eländpunktoiden kartte ruhtinasiden da bajarišton kanzannimidenke. Vl 2000 žilo sai lidnan statusad nügüdläiženke nimenke.

Čegem šingotase stökoltegimel (butulkad, om rekonstruiruidud vodele 2022), gofrokartonpakuitesen pästandal[1], nahktegimel, sömtegimišton edheotandoil (maidtegim). Kazmuzhonusiden i fruktsaduiden pind ližadub, kalankazvatusen edheotand radab.

Geografijan andmused[vajehta | vajehtada tekst]

Lidn sijadase Čegem-jogen oiktal randal (Terekan bassein), 493 m keskmäižel korktusel valdmeren pindan päl, korktused vajehtadas 150 m röunoiš. Matkad Nal'čikan röunhasai om koume kilometrad suvhe.

Čegem om lidnankundan üks'jäine eländpunkt. Lidnankundan pind om 73 km², sidä kesken lidnfartalad ottas koumandest, toine om ezilidan territorii.

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe eläjiden lugu oli 18 019 ristitud, rajonan nelländez. Vl 2018 kaik 18 156 ristitud elihe lidnas. Kaikiš suremb ristitišt oli 18 300 eläjad vll 2006−2009 i om nügüd'.

Rahvahad (enamba 1% vl 2010, ozutadud rahvahudenke): kabardalaižed — 78,6%, balkarijalaižed — 15,9%, venälaižed — 2,7%, toižed rahvahad — 2,8%.

Koume islaman pühäpertid om olmas lidnas: üläpalas, keskmäižes palas (Abu Hanifan nimed) i alapalas.

Kabardinijan da Balkarijan «Stroitel'»-kolledžan (Nal'čik) filial om avaitud lidnas.

Edeline lidnankundan pämez' (sijaližen administracijan pämez') om Leonid Makoev (uhoku 2016 — kül'mku 2021).

Galerei[vajehta | vajehtada tekst]

Homaičendad[vajehta | vajehtada tekst]

  1. Gofrokartonpakuitesen «Čegemtara»-edheotandan sait (chegemtara.ru). (ven.)

Irdkosketused[vajehta | vajehtada tekst]



Kabardinijan da Balkarijan Tazovaldkundan lidnad
Baksan | Čegem | Maiskii | Nal'čik | Nartkal | Prohladnii | Terek | Tirniauz