Avstrii

Republik Österreich
Avstrijan Tazovaldkund

Avstrijan valdkundflag Avstrijan valdkundznam

Avstrii (Avstrijan Tazovaldkund; saksan: Republik Österreich) om valdkund Evropas. EÜn ühtnii. Avstrijal oma mavaldkundröunad Čehijanke, Slovakijanke, Vengrijanke, Slovenijanke, Italijanke, Lihtenšteinanke, Šveicarijanke da Germanijanke.

Pälidn — Vena.
Eläjiden lugu — 8,2 mil.
Pind — 83 871 km².
Ohjastandform — Parlamentine tazovaldkund.

Administraciž-territorine jagand

Avstrii om fediracii. Avstrijas om 9 fediraciimad:

• Burgenland
• Karentia
• Alaavstria
• Üläavstria
• Zal'cburg
• Štiria
• Tirol'
• Forarl'berg
• Vena

Geografii

Avstrii om Keskevropalaine valdkund, sen pind om 83 871 km². Avstria om mägekaz valdkund: keskmäine korktuz ülemba meren tazopindad om ümbri 900 m. Avstrijan znamasine pala - Päivnouzmpol’žed Al'pad. Kaikiš korktemb čokkoim — Grosglokner-mägi (3797 m).

Voden kesklämuz om +8 grad., uhokun -1 - -7 da heinkun +18 - +24 grad. Vozne keskpainuz om 760 mm.

Eläjad

Eläjiden lugu — 8,2 mil. Avstrijalaižid (saksavstrijalaižid) om 88,6 %. Oficialine kel' om saksan kel'.

Avstrijalaižed — katoližen jumalankodikundan uskojad; Avstrijas om völ ortodoksid, protestantoid, judaistoid da musul'manoid.

Politine sistem

Avstrii om federacine valdukund (siš om 9 fediraciimad). Valdkundanpämez' om federacijanprezident, kudambad valitas kuden voden strokuks.

Avstrijan suim (parlament) — kaks'kodine Federaline keraduz (Bundesversammlung): ezmäine (ülembaine) kodi - Federaline nevondkund da toine (alembaine) kodi - Nacijannevondkund.

Federaline nevondkund kuctas Bundestrataks (64 ühtnijoid). Naciinevondkund kuctas Nacionalrataks (183 ühtnijoid).