Balakovo

Vikipedii-späi
Balakovo
Балаково
Lidnanznam
Valdkund Venäma
Eläjiden lugu (2020) 187,523 ristitud
Pind 75,51 km²
Balakovo Балаково
Pämez' Leonid Rodionov
(reduku 2022—)
Telefonkod +7−8453-xxx-xxx
Avtokod 64, 164
Aigvö UTC+4 (MSK+1)


Balakovo (ven.: Балако́во) om Venäman lidn da lidnankund Saratovan agjan pohjoižpäivnouzmas. Se om Balakovon rajonan administrativine keskuz da sen pala.

Istorii[vajehta | vajehtada tekst]

Eländpunktan aluz om pandud vl 1762 kuti vanhuskolaižiden žilo ühten aigan Irgizan jumalankodidenke. Žilo sai lidnan statusad vn 1911 semendkus. Balakovo lugese ujelimtraktoran i Venäman dizel'likutimen sündundan sijaks.

Saratovan GES om saudud vll 1956−1971. Balakovon AES radab vspäi 1985. Lidn šingotase himižen sarakon edheotandoil (apatit, kuidmaterialad, hil'nikkuid, tehnine räzin), mašiništonsauvomižel (vagonad, dizel'likutimed) i sömtegimištol, sauvondmaterialiden tegimil (teraztorviden vanundtegim, beton, konstrukcijad elektromontažan täht), mugažo mebel'fabrik radab.

Geografijan andmused[vajehta | vajehtada tekst]

Lidn sijadase Volgan hural randal Saratovan vezivaradimen lopus, GES:an padosein om lidnas, 25 m ü.m.t. keskmäižel korktusel, Volgan Sur' Irgiz-ližajogen oiktal randpolel. Matkad Saratovhasai om 134 km suvipäivlaskmha orhal, 180 km avtotedme vai raudtedme. Lähembaine lidn om Vol'sk 30 km päivlaskmha orhal i Volgadme vai 49 km avtol.

Klimat om ven kontinentaline kuivahk. Voden keskmäine lämuz om +6,9 C°, semendkun +16,9 C°, kezakun-elokun +20,8..+22,7 C°, tal'vkun-uhokun −6,4..−10,2 C°. Ekstremumad oma −35 C° (uhoku) i +44,1 C° (heinku). Paneb sadegid 431 mm vodes, läz tazomäras kuidme, enamba vilukus (50 mm) i kezakus (40 mm), vähemba semendkus (28 mm) i elokus (27 mm).

Tobmuz[vajehta | vajehtada tekst]

Balakovo om lidnankundan (municipaližen ühtnikan) üks'jäižeks eländpunktaks.

Lidnan pämez' om sen Nevondkundan ezimez'. Edeližed lidnan pämehed oma Roman Irisov (sügüz'ku 2018 — reduku 2022), Aleksandr Ovsännikov (sügüz'ku 2013 — sügüz'ku 2018). Lidnan erigoittud Administracii om likvidiruidud vn 2014 heinkus.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 199 690 ristitud, rajonan ühesa kümnendest. Kaik 191 260 eläjad oli lidnas vl 2017. Kaikiš suremb lidnan ristitišt oli 206..208 tuhad vozil 1994−2001 (208 000 rist. vll 1995, 1996 i 1998).

Professionaližen opendusen aluzkundad: medkolledž, Volgaverine tehnologijoiden da menedžmentan kolledž, koume tehnikumad (politehnine[1], tegimištoliž-transportine[2], gubernatorine avtoelektromehanine[3]), üläopendusen aluzkundoiden koume filialad (Moskv, Saratov).

Galerei[vajehta | vajehtada tekst]

Homaičendad[vajehta | vajehtada tekst]

  1. Balakovon politehnižen tehnikuman sait (bpt-balv.ru). (ven.)
  2. Balakovon tegimištoliž-transportižen tehnikuman sait (bptt.profiedu.ru). (ven.)
  3. Gubernatorižen avtoelektromehanižen tehnikuman sait (gaemt.ru). (ven.)

Irdkosketused[vajehta | vajehtada tekst]



Saratovan agjan lidnad
Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk