Barle

Barlen anklavad. Bel'gijan territorii om pakuine

Pert' Barles, üks' pala om Alamaiš, toine — Bel'gijas

Barle (alam.: Baarle) — žilo, kudamb om jagatud Alamaiden i Bel'gijan keskes. Se om tetab ičeze lujas palakahal administrativižel jagandal. Eläjiden ühthine lugu om läz ühesad tuhad ristituid.

Žilo om ümbärtud Alamaiden territorijal, sijadase sen suves läz Bel'gijan pohjoižröunad. Bel'gijan lähembaine eländpunkt om Zondereigen-žilo. Barlen Bel'gijan pala (Barle-Hertog-kommun, alam.: Baarle-Hertog) kogoneb 22 anklavaspäi, ned oma ümbärtud Alamaiden palal. Barle-Hertog mülüb Bel'gijan Antverpen-agjaha. Alamaiden pala nimitase Barle-Nassauks (alam.: Baarle-Nassau) i mülüb Pohjoine Brabant-agjaha.

Valdkundröun mäneb Barles mantarhoiden röunoidme tobjimalaz. No erasti se mäneb koverikahas i miččen-ni kodin keitimpol', ozutesikš, voib olda Bel'gijas, magaduzhonuz — Alamaiš. Mugoine azj tuli meiden päivihe 12. voz'sadan kahten bajarin ridaspäi. Miše kebneta necidä situacijad, oli pättud märita pertin valdkundmülümišt da sen eläjiden rahvahanikust päuksen sijadusel. Pertin valdkundmülümine znamoičese flagan kuvan abul (must-pakuine-rusked Bel'gijan täht i rusked-vauged-sinine Alamaiden täht) kodin nomeral (kacu fotokuvid alemba).

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.