Düren

Düren

Lidnanznam	Flag
Valdkund	Saksanma
Eläjiden lugu (2015)	90,244 ristitud
Pind	85,02 km²
Pämez'	Paul' Larü (1999—. Paul Larue)
Telefonkod	+49−2421
Aigvö	tal'vel UTC+1, kezal UTC+2

Lidnan ümbrikoiden shematine kart (2006)

Düren (mugažo saksan kelel) om lidn Saksanman päivlaskmas, Pohjoine Rein da Vestfalii-federacijanmas.

Istorii

Enamba mi 2 tuhad vozid tagaz eländpunkt oli kel'tižeks, sen nimi oli Durum «lidnuz». Lidn om tetab Rimalaižen imperijan aigaspäi, oli varatoitmižbazaks Köl'nan sauvondan täht. Om olmas lidnan oiktusidenke 13. voz'sadaspäi.

Düralüminii-ühthesuladusen nimituz om sündnu lidnan nimespäi, sikš miše vspäi 1909 sidä saihe tehmižmahtusel neciš lidnas. Toižen mail'man sodan aigan frontpird läbiti lidnad i üks' kaikiš järedambiš torišpäi tegihe Dürenno, AÜV:oiden armii forsirui Rurad.

Düren om tetab torguindal amussai i bumagan tehmižel 19. voz'sadaspäi. Lidn šingotase kanghiden tehmižel, metalloiden ümbriradmižel i himižil edheotandoil. Viž industriiparkad ratas lidnanno. Tetabad valdkundas kompanijad oma pertiden varjoičendan edheotand, medicinižen distancižen holitusen kompanii (Duria eG), elektroavtoiden tehmine.

Geografijan andmused

Lidn sijadase Rur-jogen alangištos, läz valdkundröunoid Bel'gijanke da Alamaidenke. Düren jagase 15 ümbrikoks.

Vl 2013 eläjiden lugu oli 88 953 ristitud. Kaikiš suremb ristitišt oli 93 tuhad eläjid vl 2004.

Irdkosketused

• Lidnan ohjastusen oficialine sait (dueren.de). (saks.) (angl.) (fr.) (alam.)