Darvin (lidn)

Darvin
Darwin
	Lidnanznam;
Valdkund	Avstralii
Eläjiden lugu (2021)	139,902 ristitud
Pind	112,01 km²
Pämez'	Kon Vatskalis; (sügüz'ku 2017—)
Telefonkod	+61−8
Aigvö	UTC+9:30

Darvin (angl.: Darwin, sijaline virkand: [ˈdɑːrwᵻn], sijaližiden Avstralijan aborigenoiden larrakian/gulumirrgin-kelel: Garramilla) om lidn Avstralijan pohjoižes. Se om Pohjoižen territorijan adminstrativine keskuz da kaikiš suremb lidn.

Enzne[vajehta | vajehtada tekst]

Amuižiš aigoišpäi lidnan tahond seižui Avstralijan aborigenoiden torguindteil, vedihe tavaroid Suvipäivlaskmaižes Azijaspäi kaikedme kontinentadme. Eländpunktan aluz om pandud evropalaižil vl 1869 kuti Palmerston-meriport. Se nimitase nügüdläižikš vspäi 1911 Čarl'z Darvinan oiktastuseks.

Darvinan ižandusen päsarakod oma samižtegimišt (kivivoi da londuseline gaz šel'fal, urankivend, kuld, cink, marganc, boksitad), turizm, tatanmaižiden da AÜV:oiden sodavägiden holituz.

Geografijan andmused[vajehta | vajehtada tekst]

Lidn sijadase territorijan pohjožes, Timoran meren i sen Darvinan merikaran lapakol randal. Vspäi 2003 raudte ühtenzoitab lidnad Adelaidanke. Matkad Kanberhasai om 3137 km suvipäivnouzmha orhal.

Darvin alištub lujile tropižile ciklonile (tal'vku-keväz'ku), kova tullei tegi lujid murendusid vozil 1897, 1937, 1974. Klimat om kaks'sezonine tropižen savannan, päivoikaz kuivan sezonan aigan eriližešti. Voden keskmäine lämuz om +27,8 C°, kezakun-elokun +25,2..+25,8 C°, toižil kuil +27,3..+29,5 C°. Ekstremumad oma +10,4 C° (heinku) i +38,9 C° (reduku). Paneb sadegid 1832 mm vodes, vihmsezon oleskeleb tal'vkus-keväz'kus (279..471 mm kus), kuiv sezon tuleb kezakus-elokus (nell' millimetrad pordos). Kun keskmäine relätivine nepsuz vajehtase 36..41 % röunoiš semendkus-elokus, 66..74 % tal'vkus-keväz'kus.

Tobmuz[vajehta | vajehtada tekst]

Darvin jagase nelläks administrativižeks ümbrikoks (angl.: ward).

Edeline lidnan pämez' (angl.: Lord Mayor of Darwin) om Katrina Fong Lim (sulaku 2012 — sügüz'ku 2017).

Eläjad[vajehta | vajehtada tekst]

Vl 2010 lidnan eläjiden lugu oli 127 532 ristitud. Kaikiš suremb lidnan ristitišt om nügüd'. Palmerston-kaimdailidnan aluz om pandud vl 1981 jügedan klimatan tagut mererandištol, nece kaimdailidn sijadase 20 km suvhe Darvinaspäi.

Irdkosketused[vajehta | vajehtada tekst]

Lidnan tobmuden oficialine sait (darwin.nt.gov.au). (angl.)

Darvin (lidn) Vikiaitas

	Avstralijan štatad da territorijad i niiden administrativižed keskused
	Štatad	Kvinslend (Brisben) \| Päivlaskmaine Avstralii (Pert) \| Suviavstralii (Adelaid) \| Tasmanii (Hobart) \| Uz' Suviuel's (Sidnei) \| Viktorii (Mel'burn)
	Territorijad	Avstralijan pälidnan territorii (Kanber) \| Džervis Bei territorii (Džervis Bei)\| Pohjoine territorii (Darvin)