Daugavpils

Vikipedii-späi
Daugavpils
 Lidnanznam
 Flag
Valdkund Latvii
Eläjiden lugu (2016) 95,467 ristitud
Pind 72,48 km²
Daugavpils
Pämez' Andreis Elksnin'š
(viluku 2019—.
Andrejs Elksniņš)
Telefonkod +371−54
Aigvö tal'vel UTC+2,
kezal UTC+3


Daugavpils (mugažo latvijan kelel; latg.: Daugpiļs; edel 1920 vot Dvinsk, edel 1893 vot Dünaburg, vozil 1656−1667 Borisoglebsk) om lidn Latvijan suvipäivnouzmas. Se om tazovaldkundan alištusenke, Latvijan kahtenz' lidn ristitišton lugun mödhe da järed raudtesol'm.

Istorii[vajehta | vajehtada tekst]

Livin Ordenan mameister Ernst von Ratzeburg pani Daugavpilsan (Dünaburgan) alusen vl 1275 kuti ricarin zamk. Dünaburgan zamk oli 19 km ülezjogen, nügüd' Vecpils. Vl 1577 Ivan Grazijan sodaväged murenziba zamkad Livonižen sodan aigan, i carin käskön mödhe šancsauvusiden aluz om pandud nügüdläižen lidnan sijha.

Vll 1655−1656 lidn oli Ročinman palaks; vll 1656−1666 da 1772−1920 — Venäman palaks; vll 1666−1772 mülüi Reč Pospolitaiha; vozil 1920−1944 oli ripmatomas Latvijas; 1944−1991 — Nevondkundaližen Ühtištusen palaks.

Zamk oli olmas vhesai 1810, sid' seinid heittihe savičuid ottes. Vozil 1810−1878 sauvoihe Daugavpilsan lidnusen Daugavan molembil randoil. Se om kaikiš suremb sodalidnuz Baltijan maiš.

Geografijan andmused[vajehta | vajehtada tekst]

Lidn sijadase Daugav-jogen (Päivlaskmaine Dvin) randoil, 105 m valdmeren pindan päl. Matkad Righasai om 218 km raudtedme, 232 km avtotedme, Vil'nüshasai om 174 km suvipäivlaskmha. Valdkundröunad oma läz: Litvanmanke 25 km suvipäivlaskmha, Vaugedvenämanke 33 km suvipäivnouzmha.

Klimat om kontinentaližemb mi mererandal, voden keskmäine lämuz +5,5 C°. Paneb sadegid 634 mm vodes, enamba kezal (230 mm).

Daugavpils jagase 25 lidnrajonha territorialižešti.

Eläjad[vajehta | vajehtada tekst]

Vl 1910 lidnan ristitišt oli 110 tuhad eläjid.

Lidnan rahvahad kahten rahvahanlugemižen mödhe:

rahvahuz rist.
(1989)
% rist.
(2011)
%
kaik 124910 100,00 % 93312 100,00 %
venälaižed 72775 58,26 % 50013 53,60 %
latvijalaižed 16243 13,00 % 18447 19,77 %
sida kesken latgalalaižed[1] 7673 8,22 %
pol'šanmalaižed 16338 13,08 % 13278 14,23 %
vaugedvenälaižed 11385 9,11 % 6674 7,15 %
ukrainalaižed 3903 3,12 % 1795 1,92 %
litvalaižed 1118 0,90 % 891 0,95 %
čiganalaižed 353 0,28 % 375 0,40 %
evrejalaižed 1373 1,10 % 311 0,33 %
toižed 1422 1,14 % 1528 1,64 %

Sport[vajehta | vajehtada tekst]

Transport[vajehta | vajehtada tekst]

Avtobusad, tramvaid da taksid oma kundaližeks transportaks lidnas. Raudte tuli lidnha vl 1860. Se ühtenzoitab lidnad Riganke da Minskanke.

Daugavpilsan lendimport (DGP) sijadase 12 km pohjoižpäivnouzmha lidnan keskusespäi, seižub kävutamatoman, lendahtamižsargan apakod oma heittud. Vhesai 1993 se oli nevondkundaližiden sodavägiden lendimport, 1990-nziden voziden lopus lendelihe Righa da Kopenhagenha.

Homaičendad[vajehta | vajehtada tekst]

  1. Kävutajad latgalan kel't jogapäiväližes elos (vn 2011 rahvahanlugemine).

Irdkosketused[vajehta | vajehtada tekst]