Dobränk

Vikipedii-späi
Dobränk
Добрянка
 Lidnanznam
 Flag
Valdkund Venäma
Eläjiden lugu (2023) 28,545 ristitud
Dobränk Добрянка
Telefonkod +7−34 265-xx-xxx
Avtokod 59, 81, 159
Aigvö UTC+5 (MSK+2)


Dobränk (ven.: Добря́нка, perm. komi: Добрянка) om Venäman lidn da lidnankund Permin randan keskuses. Se om Dobränkan lidnümbrikon (edel vn 2019 tal'vkud — rajonan) administrativine keskuz.

Istorii[vajehta | vajehtada tekst]

Eländpunkt mainitase ezmäižen kerdan vl 1623 kuti Domränk-külä (ven.: Домрянка). Sauvoškanzihe vas'kentegint i žilod senno vl 1752. Pigai vajehtihe nimed nügüdläižikš i tegimen profiläd raudan samižhe sijaližen vas'kkivendon vähän lugun tagut. 18. voz'sadan lopuspäi vedihe jarmankoid i toihe lidnalašt kul'turad Permišpäi. Radnikžilo sai lidnan statusad vl 1943. Vll 1954−1956 täuttihe Kaman vezivaradint, i demontiruihe metallurgijan tegint.

Dobränk šingotase järedan Permin GRES:an radol (3,3 GVt, valdkundan nellänz' GRES vägevuden mödhe), mecan ümbriradmižen edheotandoil (mecpilind, mebel'), kivivoin samižen edheotandoil, elektromašiništon pästandal kivivoin da gazan tegimišton täht[1].

Geografijan andmused[vajehta | vajehtada tekst]

Lidn sijadase Kaman vezivaradimen hural randal, penen Dobränk-jogensunno (jogi om 43 km pitte), 130 m ü.m.t. keskmäižel korktusel.

Matkad Permin röunhasai om 50 km suvhe avtol. Lidnan Dobränk-raudtestancii radab jüguiden täht vaiše. Toine lähembaine lidn om Čormoz 38 km lodeheze orhal, vezivaradimen oiktal randal, i 203 km avtotedme Permin kal't.

Tobmuz[vajehta | vajehtada tekst]

Kaik kahesa küläd mülüihe lidnankundha Dobränkan ližaks edel 2020. vot. Lidnankundan pind oli 498,24 km².

Lidnan jäl'gmäine pämez' om Dmitrii Antonov, radoi vn 2016 tal'vkuspäi.

Eläjad[vajehta | vajehtada tekst]

Vl 2010 Venäman rahvahanlugemižen mödhe lidnan eläjiden lugu oli 33 686 ristitud, lidnankundan — 34 198 ristitud, rajonan koume videndest, lidnan vl 2021 — 28 782 ristitud. Vl 2017 kaik 33 083 ristitud elihe lidnas i 33 513 ristitud kaikes lidnankundas. Kaikiš suremb lidnan ristitišt oli 38 400 eläjad vll 2000−2001.

Ortodoksižen hristanuskondan nell' pühäpertid[2] om avaitud lidnas: koume jumalanpertid i časoun'-muštnik.

Lapsiden opendusen aluzkundad oma nell' päivkodid, aluzškol (kadetine škol), koume keskškolad (nomer 2, 3, 5), čomamahtoiden škol, sportškol. Dobränkan gumanitariž-tehnologine tehnikum[3] om lidnan professionaližen opendusen aluzkundaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Dobränkan elektromašiništon edheotandan sait (npoetalon.ru). (ven.)
  2. Dobränkan pühäpertid sobory.ru-saital. (ven.)
  3. Dobränkan gumanitariž-tehnologižen tehnikuman sait (dobr-dgtt.ru). (ven.)

Irdkosketused[vajehta | vajehtada tekst]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino