El' Kahas

Vikipedii-späi
Rahvahaline «El' Kahas»-puišt

El' Kahas (isp.: El Cajas) vai Rahvahaline «El' Kahas»-puišt (isp.: Parque Nacional El Cajas, kečuaks: Cajas mama llaqta parki) om londuseline puišt Ekvadoran suvižes Asuai-provincijas. Se om avaitud 1996-nden vodel kül'mkun 5. päiväl.

Pind om 288 km² (läz 28 800 ga).

Rahvahaline puišt levitase korktoiden mägiden rajonas, 3100..4450 m ü.m.t., zavodiše läz 30 km päivlaskmha Kuenk-lidnaspäi. Tünen i Atlantižen valdmeriden vezijagandan kaikiš päivlaskmaižemb suviamerikaine tarh mülüb puištho. Läz 270 järved oma puišton territorijal, niiden keskes znamasine om Lusp-järv (Luspa) 78 ga pitte i 68 m süvütte. Kahas-puišt varatoitab jondvedel Kuenkan rajonad, koume videndest tarbhaižusespäi. Jäžomad oma äjiden järviden purtkeks. Tomebamb-, Janunkai- i Paute-joged mülüdas Amazonasan basseinha, Balao- i Kanjar-jogiden veded jokstas Tün'he valdmerhe.

Mante om saudud Tres-Kruses-ülämänegedme (4167 m). Kazmusišt om korktoiden mägiden nepsad paramo-nitud. Puišt om koditaho imetaiživatoiden 44 erikon täht, sidä kesken Chibchanomys orcesi- i Caenolestes tatei-erikod oma Kahasan endemikad. Niiden ližaks linduiden 157 erikod i reptilijoiden 17 erikod elädas täs.

Homaičendad[vajehta | vajehtada tekst]



Nece kirjutuz om vaiše ezitegez. Tö voit abutada meile, ku kohendat sidä da ližadat sihe.