Filippinad

Vikipedii
Hüpähtada: navigacii, Ecind
Filippinoiden Tazovaldkund
Republika ng Pilipinas (tagal.)
Republic of the Philippines (angl.)
 Flag
Flag of the Philippines.svg
 Valdkundznam
Coat of arms of the Philippines.svg
Pälidn Manil
Eläjiden lugu (2014) 107,668,231[1] ristitud
Pind 299,764 km²
Filippinoiden TazovaldkundRepublika ng Pilipinas (tagal.)Republic of the Philippines (angl.)
Kel' filippinoiden, anglijan
Valdkundan pämez' Benigno Akino
Päministr Džedžomar Binei
Religii hristanuskond
Valüt filippinoiden peso (PHP) (₱)
Internet-domen .ph
Telefonkod +63
Aigvö UTC+8

Filippinad, oficialine valdkundan nimi om Filippinoiden Tazovaldkund (tagal.: Republika ng Pilipinas, angl. Republic of the Philippines) om sar'hine valdkund Suvipäivnouzmpol'žes Azijas. Sen pälidn om Manil.

Istorii[redaktiruida | redigeeri lähteteksti]

Vl 1946 heinkun 4. päiväl Filippinad saiba ripmatomut AÜV:oišpäi.

Nügüdläine Konstitucii tuli väghe vl 1987 uhokun 2. päivän.

Geografijan andmused[redaktiruida | redigeeri lähteteksti]

Filippinoiden reljefan kart.

Filippinad ottas Filippinoiden sarid, niid om enamba 7100, läz 2 tuhad sarid oma elänzoittud. Sared sijadase Vjetmanaspäi päivnouzmpolehe. Sariden päivlaskmaižed randad lainištab Tünen valdmeren Kitain suvimeri, pohjoižed randad — Baši-sal'm (sen kal't om Kitain Taivan'-sar'), päivnouzmaižed randad — Filippinoiden meri, suvirandad — Sulavesin meri, suvipäivlaskmaižed randad — Sulumeri. Randanpird om 36,3 tuhad kilometrad.

Kaikiš korktemb čokkoim om Apo-vulkan Mindanao-sarel, 2954 m valdmeren pindan päl.

Londuseližed pävarad oma kivivoi, metallad (kuld, hobed, vas'k, nikel', kobal't); toižed varad — mec, sol.

Politine sistem[redaktiruida | redigeeri lähteteksti]

Malakanjang-pert'kulu (tagal. Palacyo ng Malakanyang) om valdkundan prezidentan radsija.

Filippinad oma unitarine konstitucine prezidentine tazovaldkund. Valdkundan pämez' om prezident. Kaik rahvaz änestab händast da valičeb kudeks vodeks.

Parlament om kaks'kodine Kongress. Üläkodi om Senat 24 ühtnijanke 6 vodeks. Alakodi om Ezitajiden Kodi 240 deputatanke, heiden valdatusiden strok om 3 vot.

Administrativiž-territorialine jagand[redaktiruida | redigeeri lähteteksti]

   Kacu kirjutuz: Filippinoiden administrativiž-territorialine jagand.

Filippinad alajagase 80 agjaha (provincijha, tagal.: lalawigan / probinsya). Agjad alajagadas municipaližihe ühtnikoihe da ühtnetud lidnoihe.

Agjoid ühtenzoittas 17 statistižhe regionha, regionid — koumhe sariden joukhu: Luson, Visajad da Mindanao.

Eläjad[redaktiruida | redigeeri lähteteksti]

Filippinoil elädas filippinalaižed.

Filippinoiden lidnad-millionerad (2007[2]): Keson Siti, Manil, Kalookan, Davao. Vl 2009 kaik oli 138 lidnad valdkundas.

Ižanduz[redaktiruida | redigeeri lähteteksti]

Vl 2012 päeksport valdkundaspäi oli digitaližed mikroshemad (40%), elektromašiništ da elektropalad (läz 20%), kompjuterad (7%); toine eksport — bananad, kuld, nikel', sobad.

Homaičendad[redaktiruida | redigeeri lähteteksti]

  1. Filippinoiden ristitišton endustuz vl 2014 heinkus. — Mail'man faktoiden kirj (Cia.gov). (angl.)
  2. Population and Annual Growth Rates by Region, Province, and City/Municipality: 1995, 2000, 2007. — National Statistics Office (census.gov.ph). (angl.)

Irdkosketused[redaktiruida | redigeeri lähteteksti]


Azijan valdkundad
Azijan valdkundad
Afganistan | Araban Ühtenzoittud Emiratad (AÜE) | Armenii | Azerbaidžan1 | Bahrein | Bangladeš | Brunei | Butan | Egipt2 | Filippinad | Gruzii1 | Indii | Indonezii3 | Iordanii | Irak | Iran | Izrail' | Japonii | Jemen2 | Kambodž | Kazahstan1 | Katar | Kipr1 | Kirgizstan | Kitai | Korejan Rahvahaliž-Demokratine Tazovaldkund | Kuveit | Laos | Livan | Malaizii | Mal'divan Sared | Mjanmar | Mongolii | Nepal | Oman | Pakistan | Päivnouzmaine Timor | Saudan Arabii | Singapur | Sirii | Suvikorei | Šrilank | Tadžikistan | Tailand | Turkanma1 | Turkmenistan | Uzbekistan | Venäma1 | Vjetnam

1 Om Evropas mugažo. 2 Om Afrikas mugažo. 3 Om Okeanijas mugažo.