Il'bez

Vikipedii
Hüpähtada: navigacii, Ecind
Järgeline il'bez
Il'bez
Tedoklassifikacii
Valdkund: *
Tip: Sel'gjäntkeižed
Klass: Imetaiživatad
Heimkund: Lihansöjad
Sugukund: Kažinvuiččed
Sugu: Il’besed
Erik: Järgeline il’bez
Latinankel'ne nimi
Lynx lynx (Linnaeus, 1758)
Areal
Image

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 180584
NCBI 13125

Evrazijalaine il'bez vai Järgeline il'bez (latinan kelel: Lynx lynx, venäkelel: Рысь обыкновенная) om kažinvuiččiden sugukundan (Felidae) lihansöi (Carnivora) imetaiživat. Il'bez om kaikiš järedamb erik Il'besiden sugus da kaikiš pohjoižemb erik kažinvuiččiden sugukundas.

Areal[redaktiruida | redigeeri lähteteksti]

Järgeline il'bez eläb Skandinavijas, Suomenmas, Balkanan nemes, Pol'šanmas, Čehanmas, Slovakijas, Mad'jaranmas, Romanijas, Penes, Keskmäižes da Kezk-Azijas Kitajhasai da Mongolijahasai. Venämas il'bez eläb mecvös Karjalaspäi Kamčatkhasai da Sahalinhasai. Il'besen izoliruitud populäcijad oma Karpatoil, Kavkazal, Keskmäižen Azijan mägil. Nece lihansöi eläb mustkavag'kor'biš, taigas, hot' se voib vastata mugažo mägimecoiš, erašti mecstepiš da mectundroiš. Näl'gvozil se kävub külihe da eskai surihe lidnoihe. Istorižil aigoil il'besen areal Evropas oli lavedamb. Ristitud oma koletanuded kaikid il'besid Kezkuz- da Päivlaskmpol’žen Evropan maiden enambuses, i nügüd' nece živat om harv.

Irdpol'ne nägu[redaktiruida | redigeeri lähteteksti]

Il’bez om järed kaži jalos korktoiden jaugoiden päl: hibjan vedaduz ižačul om 8,3 — 10,6 kg, emäčul 7,2 — 10,3 kg, hibjan piduz ižačul om 76 — 106 sm, emäčul 73 — 99 sm, händan piduz ižačul da emäčul om 10 — 24 sm. Modpoliškoil karv om jalos pit'k, korvil oma sured tophad pit'käs karvospäi. Nahkan mujutuz om jalos erazvuitte mujul (tuhk-sinivauvhaspäi rusttahasai) da läipoil. Händan agjaine om kaiken must. Händ om lühüd. Hibjrung om lühüd da ninev. Käbälad oma järedad, tal'vel käbälil om äi höunhid da karvad. Mal om 13 il'besen alaerikad.

Elonmahtuz[redaktiruida | redigeeri lähteteksti]

Il’bez eläb üksin, emäčud elädas pezakundanke. "Gon" om vilukus - keväz’kus. «Gonan» aigal emäčud da ižačud komedas kidastadas. Konkuriruijad ižačud toratas emäčun tagut. Emäčun kohtuz jatkub 67 - 74 päiväd. Il’besel semendkus sündub 2 − 3 poigašt, kudambiden mass om 245 - 300 g. Poigaižed oma sogedad da abutomad. Sil'mäd avaidase 12ndel päiväl.

Il’bez om tipine lihansöi živat. Il’besen sömižen aluz - jänišad, hirenvuičced rouhijad, erašti pened kabjoikahad. Il’besed voiba eläda 20:he vodhesai.

Irdkosketused[redaktiruida | redigeeri lähteteksti]

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.