Kalininan rajon (Piter)

Kalininan rajon Piterin kartal

Kalininan rajon (ven.: Калининский район) om rajon Piteriš. Sijadase lidnan pohjoižes, Nevan alangišton oiktal randpolel.

Istorii

Rajon om sätud vl 1936 Krasnogvardeiskii-nimitusenke. Vn 1946 elokus udesnimitihe nügüdläižikš nevondkundaližen valdkundan Mihail Kalinin-šingotajan oiktastuseks. Rajon om olmas nügüd'aigaižiš röunoiš vspäi 1973, konz uz' Krasnogvardeiskii rajon om erigoittud Kalininan rajonaspäi sen päivnouzmaiženke pertištonke.

Geografijan andmused

Rajonan pind om 40,1 km², sidä kesken puištod ottas 18,4 km².

Röunatab nenidenke rajonidenke:

• Piterin Krasnogvardeiskii-rajonanke päivnouzmas,
• Piterin Keskuzrajonanke suves,
• Piterin Viipurin rajonanke päivlaskmas,
• Leningradan agjan Vsevoložskan rajonanke pohjoižes.

Rajon jagase seičemeks municipaližeks ümbrikoks (ende nomerad 18..24): Graždank (ven.: Гражданка), Akademičeskoje, Finländskii («Suomenman»), nomer 21, Piskarövk (Пискарёвка), Severnii («pohjoine»), Prometei.

Viž metrostancijad ühtel Kirovsko-Viborgskai-jonol ratas rajonan territorijal, mugažo Finländskii vagzal.

Eläjad

Vn 2010 Venäman rahvahanlugemižen mödhe eläjiden lugu oli 504 641 ristitud (2. sija regionas). Kaik 546 908 ristitud elihe rajonas vl 2021. Kaikiš suremb ristitišt om nügüd'.

Rajonan administracijan pämez' om Sergei Petričenko vn 2021 tal'vkuspäi.

Galerei

• 
  Rajonan tobmuden sauvuz Finländskii-ümbrikos vl 2013
• 
  Sündun Sretenjan jumalanpert', vn 2007 nägu
• 
  Piterin metalližen tegimen üks' sauvusišpäi vl 2012
• 
  Piterin politehnižen universitetan päsauvuz (2015)
• 
  Piter-Finländskii-päraudtestancijan sauvuz vl 2013

Irdkosketused

• Kalininan rajonan lehtpoled Piterin tobmuden portalal (gov.spb.ru). (ven.) (angl.)
• Kalininan rajonan uzištused (kalininnews.ru). (ven.)