Karabanovo (Vladimiran agj)

Vikipedii-späi
Karabanovo
Карабаново
 Lidnanznam
 Flag
Valdkund Venäma
Eläjiden lugu (2021) 15,023 ristitud
Pind 11,11 km²
Karabanovo Карабаново
Pämez' Lüdmila Jemel'janova
(kezaku 2018—)
Telefonkod +7−49 244-xx-xxx
Avtokod 33
Aigvö UTC+3 (MSK+0)


Sil sanal voib olda toižid znamoičendoid; miše nähta niid, tulgat tänna.

Karabanovo (ven.: Караба́ново) om Venäman lidn da lidnankund Vladimiran agjan päivlaskmas, sen Aleksandrovan rajonas.

Istorii[vajehta | vajehtada tekst]

Eländpunkt mainitase ezmäižen kerdan vl 1630, om nimitadud sodabajarišton ezitajiden, pidajan Karabanovad-kanzan mödhe. Vl 1846 Baranovad-torgovanad sauvoiba kudondfabrikad külänno. Vl 1871 raudte tuli külähä Aleksandrovaspäi i vedihe vagonoid hebovägel, vl 1893 ezmäine jonuz vedimenke ajoi küläs läbi. Radnikžilo sai lidnan statusad vl 1938.

Nügüd'aigan (vl 2022) puvillkombinat seižub radmata. «Spartak»-omblendfabrik radab lidnas (sobad magaduzsijiden täht i koditekstil').

Geografijan andmused[vajehta | vajehtada tekst]

Lidn sijadase rajonan suves, Hahkjogen randoil (ven.: Серая 60 km pitte, Kläz'man hurapol'ne bassein). Matkad Aleksandrov-rajonkeskushesai om ühesa kilometrad pohjoižhe.

Karabanovo om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 14 868 ristitud. Kaikiš suremb ristitišt oli 19 tuhad eläjid vl 1967.

Pühän Stroican jumalanpert'[1] om ortodoksižen hristanuskondan pühäpert' lidnas, se oli saudud vozil 1876−1880, muretihe mantazole vl 1937, om udessündutadud vll 1991−2011.

Lähembaižed professionaližen opendusen aluzkundad ratas Aleksandrov-rajonkeskuses.

Transport[vajehta | vajehtada tekst]

Maršruttaksid oma kundaližtransportaks lidnas. Karabanovo-raudteplatform (oli stancijaks edel 2008. vot) om Moskvan raudten Surel renghal, sen «Aleksandrov — Orehovo-Zujevo»-pidustal.

Galerei[vajehta | vajehtada tekst]

Homaičendad[vajehta | vajehtada tekst]

  1. Karabanovon pühäpertid sobory.ru-saital. (ven.)

Irdkosketused[vajehta | vajehtada tekst]



Vladimiran agjan lidnad
Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad