Kastorii

Vikipedii-späi
Kastorii
Καστοριά
Valdkund Grekanma
Eläjiden lugu (2011) 16,958 ristitud
Pind 57,3 km²
Kastorii Καστοριά
Telefonkod +30−24 670-xx-xxx
Aigvö tal'vel UTC+2,
kezal UTC+3


Kastorii (grek.: Καστοριά [kastoˈrʝa], bolg.: Костур) om lidn Grekanman lodehes. Mülüb Päivlaskmaine Makedonii-agjaha.

Istorii[vajehta | vajehtada tekst]

Nügüdläižen eländpunktan aluz om pandud 6. voz'sadal amuižen rimalaižen varmitusen sijas, konz vizantine Justinian I-imperator käski sauda ut varmitadud lidnad Kastorii-järven pol'sarel i nimiti Justinianopol:ikš (grek.: Ἰουστινιανούπολις). Se sai ut Kostur-nimitust vl 990 otandan jäl'ghe Bolgarijan Samuil-caril. Vspäi 1018 lidn oli mülünu Vizantijha tošti, sid' ottihe vägel Kosturad severz'-se kerdoid. Vspäi 1385 mülüi Osmanan imperijha, i sil aigal lidnan nimi oli Kesrije (turk.: Kesriye). Kacmata sihe, vizantijan i postvizantijan pordon (10.-14. voz'sadad) severz'-se jumalanpertid oma kaičenus lidnas.

Kastorii šingotase karvsobiden edheotandoil (enamba mi pol'tuhad) 14. voz'sadaspäi, kalanpüdandal järvel i turizmal.

Geografijan andmused[vajehta | vajehtada tekst]

Lidn sijadase Orestiad (Kastorii)-järven (620 m ü.m.t.) päivlaskmaižel randal, 703 m ü.m.t. keskmäižel korktusel.

Klimat om subtropine. Paneb sadegid 661 mm vodes, enamba sulakus-semendkus (79..81 mm), vähemba elokus (31 mm).

Eläjad[vajehta | vajehtada tekst]

Vn 2011 Grekanman rahvahanlugemižen mödhe lidnan eläjiden lugu oli 16 958 ristitud, municipalitetan — 35 874 ristitud.

Päivlaskmaižen Makedonijan universitetan (alusenpanend 2004) nell departamentad 21:späi sijadasoiš lidnas: Tedoiden škol (matematik, informatik), ekonomikan department, kommunikacijan i socialižen medijan departament.

Homaičendad[vajehta | vajehtada tekst]


Irdkosketused[vajehta | vajehtada tekst]