Katmandu

Vikipedii-späi
Katmandu
काठमाडौं
Flag
Valdkund Nepal
Eläjiden lugu (2011) 975,453 ristitud
Pind 51 km²
Katmandu काठमाडौं
Telefonkod +977−1
Aigvö UTC+5:45


Katmandu (nepali: काठमाडौं [kɑʈʰmɑɳɖu]) om Nepalan pälidn da kaikiš suremb lidn. Mülüb Bagmati Pradeš-agjaha ühteks 13 ümbrikospäi.

Istorii[vajehta | vajehtada tekst]

Eländpunktan aluz om pandud amuižen järven sijas läz 2 tuhad vozid tagaz, valdkundan kaikiš vanhemb lidn. Om nimitadud puižen Kasthamandap-pühäpertin mödhe, se om saudud Durbar-torgul tošti vl 1596, sanskritan kastha-sana (काष्ठ) znamoičeb «pu», mandap (मण्डप) — «kattud sija». Katmandu kändihe municipalitetaks vl 1931.

Katmandu šingotase Nepalan finansižeks i medijan keskuseks. Nened tegimišton sarakod oma znamasižed: sobiden i villasižkouriden pästand, veroližed pramozlad (metallan valamine, punleiktand, keramik).

Geografijan andmused[vajehta | vajehtada tekst]

Lidn sijadase valdkundan keskuzpalan päivnouzmas, Katmandun alangištos, 1400 m ü.m.t. keskmäižel korktusel. Kahesa joged mülüdas Gangan hurapol'žhe basseinha. Järedad ezilidnad oma Lalitpur i Bhaktapur.

Klimat om subtropine mussonine. Voden keskmäine lämuz om +18,7 C°. Paneb sadegid 1425 mm vodes, kuivsezon oleskeleb kül'mkus-uhokus (8..17 mm kus). Absolütine minimum — −2,8 C°. Lujad manrehkaidused oleldas (2015 — 7,8-ballaine).

Eläjad[vajehta | vajehtada tekst]

Vn 2011 Nepalan rahvahanlugemižen mödhe lidnan eläjiden lugu oli 975 453 ristitud. Kaik 1,7 mln ristituid elädas ezilidnoidenke.

Religijan mödhe (2011): induistad — 81,3%, buddistad — 9%, islamanuskojad — 4,4%, toižed uskojad — 5,3%.

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]



Azijan pälidnad
Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan