Las Pjedras (lidn, Urugvai)

Vikipedii-späi
Las Pjedras
Las Piedras
Valdkund Urugvai
Eläjiden lugu (2011) 62,247 ristitud
Pind 54 km²
Las Pjedras Las Piedras
Pämez' Gustavo Al'fredo Gonsales
(heinku 2015—,
Gustavo Alfredo Gonzalez)
Telefonkod +598−2
Aigvö UTC−3


Sil sanal voib olda toižid znamoičendoid; miše nähta niid, tulgat tänna.
Lidnan municipalitetan sijaduz agjas (2012)

Las Pjedras (isp.: Las Piedras) om lidn da municipalitet Urugvain suvirandanno. Se om valdkundan seičemenz' lidn eläjiden lugun mödhe, mülüb Kanelonesan agjaha, Montevideon pohjoine ezilidn.

Istorii[vajehta | vajehtada tekst]

Eländpunktan aluz om pandud vl 1744 San Isidro-nimitusenke. Vn 1811 semendkus (nüg. 18. semendku) sodaväged Urugvain Hose Artigas-borcujan ripmatomudes ohjastusen al vägestiba Ispanijan sodavägid toras Las Pjedrasanno. Se tora kändihe sirdandan ripmatomudennoks tarbhaižeks haškuks (Urugvai sai täut ripmatomut vl 1825). Žilo sai lidnan statusad (ciudad) vn 1925 15. päiväl semendkud.

Las Pjedras šingotase pälidnan «magaduzsijaks» i tegimišton zonal (radab vilugoitimiden sijaduses vspäi 2008). Sömtegimišton edheotandad oma avaitud zonas päpaloin: vinmarjan, toižiden fruktiden, maploduiden ümbriradmine, seniden kazvatand, lihaproduktoiden tehmine. Mugažo pezendabutusiden pästand.

Geografijan andmused[vajehta | vajehtada tekst]

Lidn sijadase 81 m ü.m.t. keskmäižel korktusel. Arojo-de-las-Pjedras-oja läbitab lidnad. Municipalitet röunatab Montevideon municipalitetanke suvipäivnouzmas.

Klimat om subtropine neps.

Eläjad[vajehta | vajehtada tekst]

Vl 1963 lidnan ristitišt oli 40 658 eläjad. Vn 2011 Urugvain rahvahanlugemižen mödhe lidnan eläjiden lugu oli 71 258 ristitud, se oli kaikiš suremb ristitišt. Kaik 79 412 ristitud elihe municipalitetas vl 2010.

Vn 2013 keväz'kus sätihe 18. semendkun municipalitetad sen palaspäi i anttihe lidnan statusad vl 2017. Las Pjedrasan municipalitetan nügüdläine pind om 54 km², kaik 62 247 eläjad oli sen uziš röunoiš vl 2011.

Las Pjedrasan hippodrom radab sobatoidme tobjimalaz, se om kahtenz' znamoičendal valdkundas.

Irdkosketused[vajehta | vajehtada tekst]