Liberec

**Liberec**
Lidnanznam;	Flag;
Valdkund	Čehanma
Eläjiden lugu (2017)	103,853 ristitud
Pind	106,09 km²
Pämez'	Jaroslav Zamečnik (kül'mku 2018—)
Telefonkod	+420
Avtokod	L
Aigvö	tal'vel UTC+1,; kezal UTC+2

Liberec (mugažo čehan kelel, virktas [ˈlɪbɛrɛts]), edel 1945 vot mugažo Raihenberg (saks.: Reichenberg), om videnz' surtte lidn Čehanmas. Se om Liberecan randan administrativine keskuz da kaikiš suremb lidn.

Istorii[vajehta | vajehtada tekst]

Eländpunkt mainitase dokumentoiš ezmäižen kerdan kuti Reychinberch lidnan statusanke vl 1352. Ezmäine tekstil'edheotand oli sätud vl 1579. 19.-20. voz'sadal lidn oli saksalaižiden Sudetan regionan pälidnaks. Jäl'ges Toižen mail'man sodan lopud (1945. voz') deportiruihe saksalaižid Germanijha. Äi istorižid pertid om kaičenus lidnas.

Liberec šingotase tekstil'tegimišton keskuseks.

Geografijan andmused[vajehta | vajehtada tekst]

Lidn sijadase valdkundan pohjoižes, Sudetan mägiden Jizer-mägisel'gan pautkidenno, 325..1012 m korktusil, 374 m keskmäižel korktusel valdmeren pindan päl. Om läz 110 km matkad Praghasai avtotedme suvipäivlaskmha vai 91 km orhal. Matkad Pol'šanman röunhasai om 6 km pohjoižhe, Saksanman röun sijadase 12 km lodeheze lidnaspäi.

Klimat om ven. Voden keskmäine lämuz om +7,2 C°. Paneb sadegid 803 mm vodes.

Eläjad[vajehta | vajehtada tekst]

Vn 2011 Čehanman rahvahanlugemižen mödhe eläjiden lugu oli 102 247 ristitud. Tehnine universitet om lidnas, zavodiše kolledžaks vl 1953.

Lidnan edeline pämez' oli Tibor Battjani (čeh.: Tibor Batthyány) vll 2014−2018.

Transport[vajehta | vajehtada tekst]

Avtobusad, tramvaid, ezilidnelektrojonused, funikulör da taksid oma kundaližtransportaks lidnas da sen ümbrištos. Päraudtestancii sijadase lidnan keskuses.

Irdkosketused[vajehta | vajehtada tekst]

Liberec Vikiaitas