Luand

Vikipedii-späi
Luand
Luanda
Valdkund Angol
Eläjiden lugu (2014) 2,825,311 ristitud
Pind 113 km²
Luand Luanda
Pämez' Francisko Higino Karneiro
(2016—)
Telefonkod +244−2
Aigvö UTC+1


Luand (port.: Luanda) om Angolan pälidn da kaikiš suremb lidn, valdkundan ižandusen keskuz. Vozil 2008 i 2017 om kaikiš kal'hedamb lidn mail'mas elämižen täht.

Istorii[vajehta | vajehtada tekst]

Eländpunktan aluz om pandud portugalijalaižil San-Paulu-di-Luanda-nimitusenke vl 1575. Šingotihe portugaližen administracijan keskuseks. Sai lidnan statusad vl 1605. Udesnimitihe (lühetihe nimed) nügüdläižikš vl 1975, «luanda» om tahondan amuine nimituz.

Lidn oli orjudentorguindan keskuseks, kaik läz koumed millionad ristituid vedihe ujuden Luandaspäi verhiže maihe 17.-19. voz'sadoil.

Geografijan andmused[vajehta | vajehtada tekst]

Lidn otab ližakast sijad Atlantižen valdmeren randištol, seižub 6 m ü.m.t. keskmäižel korktusel. Kvanz-jogi lankteb valdmerhe lidnanno.

Klimat om tropine kuiv. Paneb 250..500 mm sadegid vodes, niiden tobj pala oleskeleb uhokus-keväz'kus, jäl'gmäine om voden kaikiš räkemb. Heinkus il'man lämuz voib poleta +16 Cel'sijan gradushasai vilun Bengelan joksmusen tagut.

Eläjad[vajehta | vajehtada tekst]

Vn 2014 rahvahanlugemižen mödhe Luand-lidnan eläjiden lugu om 2 825 311 ristitud, Luand-agj om lidnan aglomeracijaks, sen ristitišt om 6 542 942 eläjad. Luand-lidnan pind om 113 km², Luand-agjan pind om 2418 km².

Lidnan pämehed[vajehta | vajehtada tekst]

Voden 2016 kül'mkuspäi Francisko Higino Lopes Karneiro-jenaral (port. Francisco Higino Lopes Carneiro Graciano Francisco Domingos) om Luand-agjan pämehen.

Radoiba Luand-agjan pämehikš:

  • Franciska Espiritu Santo (port. Francisca Espírito Santo, 2009−2010);
  • Hose Marija duš Santuš (port. Jose Maria dos Santos, 2011−2013);
  • Graciano Francisko Domingos (port. Graciano Francisco Domingos, 2014−2016).

Homaičendad[vajehta | vajehtada tekst]


Irdkosketused[vajehta | vajehtada tekst]



Afrikan pälidnad
Abudž | Addis-Abeb | Akkr | Alžir-lidn | Antananarivu | Asmar | Bamako | Bangi | Banžul | Bisau | Brazzavil' | Dakar | Dodom | Džibuti-lidn | Džub | Fritaun | Gaborone | Giteg | Harare | Hartum | Jamusukro | Jaunde | Kair | Kampal | Kigali | Kinšas | Konakri | Librevil' | Lilongve | Lome | Luand | Lusak | Malabo | Maputu | Maseru | Mbabane | Mogadišo | Monrovii | Moroni | Nairobi | Ndžamen | Niamei | Nuakšot | Port Lui | Porto Novo | Prai | Pretorii | Rabat | San Tome | Tripoli | Tunis-lidn | Uagadugu | Viktorii | Vindhuk
Nece kirjutuz om vaiše ezitegez. Tö voit abutada meile, ku kohendat sidä da ližadat sihe.