Nakhonratčasim

Nakhonratčasim
นครนครราชสีมา
	Lidnanznam;
Valdkund	Tailand
Eläjiden lugu (2013)	136,153 ristitud
Pind	37,5 km²
Telefonkod	+66−44
Aigvö	UTC+7

Nakhonratčasim (tail.: นครนครราชสีมา [ná(ʔ).kʰɔ̄ːn râːt.t͡ɕʰā.sǐː.māː]), mugažo Korat (tail.: โคราช [kʰōː.râːt]) lühüdas, om Tailandan lidn pohjoižpäivnouzmha Bankokaspäi. Se om ühtennimižen agjan administrativine keskuz, valdkundan kudenz' lidn eläjiden lugun mödhe.

Istorii[vajehta | vajehtada tekst]

Nügüdläižen eländpunktan aluz om pandud vl 1656 vanhiden lidnusiden udessauvondal kaičemha Siaman kunigahusen päivnouzmašt röunad. Sirtihe pälidnad Bankokha vl 1782, i lidnan strategine znamoičend ližadui, kaitihe valdkundröunad Siaman Kambodž- i Laos-vassaloid vaste. AÜV:oiden sodabaz oli saudud läz lidnad Vjetnaman sodan aigan.

Nakhonratčasim šingotase šuukun tehmižel, torguindal, sömtegimištol (risan i tapiokan ümbriradmine, saharan tehmine), mugažo CD-diskoiden ajaimladimiden järed tegim radab.

Geografijan andmused[vajehta | vajehtada tekst]

Lidn sijadase Korat-mägitazangištol, Mekongan basseinas. Matkad Bankok-pälidnhasai om 210 km suvipäivlaskmha orhal vai 260 km avtoteidme.

Klimat om tropižen savannan. Kun keskmäine lämuz om +27..+30 C° päiči kül'mkus-vilukus, konz se om +24..+25 C°. Ekstremumad oma +8 C° i +42 C°. Paneb sadegid 1071 mm vodes, vähemba tal'vkus-uhokus (27 mm pordos).

Eläjad[vajehta | vajehtada tekst]

Vl 2013 eläjiden lugu oli 136 153 ristitud. Läz 440 tuhad ristitud elädas ezilidnoidenke.

Nell' universitetad ratas lidnas: Tehnine Suranari-universitet^[1] (alusenpanend 1990, 17,3 tuhad üläopenikoid vl 2020), Nakhonratčasiman Račabhat-universitet, Tehnine universitet Isan Račamangalan nimed, Vongčavalitkul-universitet.