Nitrugižbobaine
| Nitrugižbobaine | ||||||||||||||
|---|---|---|---|---|---|---|---|---|---|---|---|---|---|---|
 Nitrugižbobaine sügüz'kus | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Centauréa jacéa L. | ||||||||||||||
|
Nitrugižbobaine (latin.: Centaurea jacea) om äivozne heinäsine kazmuz, mülüb Puzuänikoižed-sugukundha.
Leviganduz[vajehta | vajehtada tekst]
Erik om levitadud Evropan venodme vödme päpaloin, Päivlaskmaižes Sibirišpäi Portugalijhasai. Vajehtase lujas, lugetas enamba kümned alaerikod i äiluguižid gibridoid. Nitrugižbobaižen gibrid Centaurea nigrescens-erikonke om levitadud Sures Britanijas i AÜV:oiš.
Kazvab nituil, mecanröunoil, teveril.
Ümbrikirjutand[vajehta | vajehtada tekst]
Täuz'kaznu om 80 santimetrhasai kortte. Seikh om püštoiged, varmed, kauged mujugel, sarakoičese üläpalas üks'jäiženke änikonke päl. Vihandad lehtesed oma kogonaižed, munan- i lancetanvuiččed. Lehtesiden molembad pindad oma kauktad harvoiden koverikahiden hibusuziden tagut.
Änikoičeb kezakus-sügüz'kus, änikod oma lilaiž-ruskedvauvhad. Änik avaidase tulijale gavedile i tulkib südäimespäi heid'oman andust. Tullei i omaluižiden živatad levitadas semnid. Voib äikerdoitas jurdutadud juril.
Kävutand[vajehta | vajehtada tekst]
Hüvä medenkandai kazmuz. Rujohein villän pöudoil. Kazmuz mülütab dubindsubstancijoid.
Kävutase rahvahaližes medicinas kuti kuzenajai, sapinajai, palatusenvastaine i anestezirui abutuz.
Homaičendad[vajehta | vajehtada tekst]
 |
Nitrugižbobaine Vikiaitas |