Nitv

Vikipedii-späi
Nitv
Нытва
 Lidnanznam
 Flag
Valdkund Venäma
Eläjiden lugu (2021) 17,976 ristitud
Nitv Нытва
Pämez' Konstantin Parkačov
(viluku 2016—)
Telefonkod +7−34 272-xx-xxx
Avtokod 59, 81, 159
Aigvö UTC+5 (MSK+2)


Nitv (ven.: Ны́тва, perm. komi: Нытва кар) om Venäman lidn da lidnankund Permin randan suvipäivlaskmas. Se om Nitvan rajonan administrativine keskuz.

Istorii[vajehta | vajehtada tekst]

Eländpunktan aluz om pandud vl 1756, nimitihe jogen mödhe. Nimituz znamoičeb «vihand vezi» komin kelel. Vl 1913 raudte tuli metallurgijan tegimennoks. Nitvan tegim sai radnikžilon statusad vl 1928. Kätihe lidnaks vl 1942.

Nitv šingotase tuhkmetallurgijan tegimel tähäsai, pästab keitimpolen astjoiden keradusid, mugažo lihakombinat i leibkombinat ratas lidnas.

Geografijan andmused[vajehta | vajehtada tekst]

Lidn sijadase Nitv-jogen padoseinän al da sen randoil, 120 m ü.m.t. keskmäižel korktusel, jogen lanktendan sijas Votkinskan vezivaradimhe (Kaman oiged randpol'). Matkad Permin keskusespäi om 55 km päivlaskmha orhal vai 70 km avtotedme. Lähembaine lidn om Krasnokamsk 29 km pohjoižpäivnouzmha orhal vai 33 km avtol.

Seičeme küläd i Vorobji-žilo mülüdas lidnankundha Nitvan ližaks. Lidnankundan pind — 143,05 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 19 041 ristitud, lidnankundan — 19 874 ristitud, rajonan nell' ühesandest. Kaikiš suremb lidnan ristitišt oli 23 100 eläjad vll 1992 i 1998.

Ortodoksižen hristanuskondan nell' pühäpertid[1] oma saudud lidnas: koume jumalanpertid i časoun'.

Nitvan äiprofil'ne tehnikum[2] om lidnan professionaližen opendusen aluzkundaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Nitvan pühäpertid sobory.ru-saital. (ven.)
  2. Nitvan äiprofil'žen tehnikuman sait (npet.permarea.ru). (ven.)

Irdkosketused[vajehta | vajehtada tekst]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino