Nukus

Vikipedii-späi
Nukus
Lidnanznam
Valdkund Uzbekistan
Eläjiden lugu (2018) 312 100[1] ristitud
Pind 222 km²
Nukus
Pämez' Utemurat Panaev
(kül'mku 2020—, velgusentäutai)
Telefonkod +998−61
Aigvö UTC+5


Nukus (mugažo uzbekan kelel, karak.: Нөкис / Nókis) om lidn Uzbekistanan lodehes. Se om valdkundan kudenz' lidn eläjiden lugun mödhe, Karakalpakan Tazovaldkundan pälidn.

Istorii[vajehta | vajehtada tekst]

Ende Šurč-lidnuz oli olmas lidnan territorijal (4. voz'sada EME — 4. voz'sada meiden erad). Nügüdläižen eländpunktan aluz om pandud 1860-nzil vozil kuti Nukus-aul, nimitihe karakalpaklaižiden sijaližen heimon mödhe. Amuine mongoline lidnuz oli udessaudud, i vspäi 1874 Venäman imperijan garnizon pol'tošt tuhad mehenke sijazihe siš. Om lidnan statusanke vspäi 1932. Saudihe tazovaldkundan uzid administrativižid pertid vodele 1939, sen pälidnan radnikad sirtihe Nukusha Turtkul'-lidnaspäi.

Nukus šingotase sauvondmaterialiden edheotandoil (pertinsauvondan tegim, mramoran, betonan i savičun pästand), erazvuiččel sömtegimištol, kebnan tegimišton kompanijoil (hoban, trikokanghiden i omblendan fabrikad), metallurgijal.

Geografijan andmused[vajehta | vajehtada tekst]

Lidn sijadase Turkmenistanan röunanno, Amudarjan oiktal randal, 76 m keskmäižel korktusel valdmeren pindan päl. Matkad Taškenthasai om 800 km suvipäivnouzmha orhal vai 1255 km avtotedme.

Klimat om terav kontinentaline, keza om räk.

Eläjad[vajehta | vajehtada tekst]

Vl 2010 eläjiden lugu oli 271 400 ristitud. Kaikiš suremb ristitišt om nügüd'.

Lidnan edeline pämez' om Parahat Turešev (kül'mku 2017 — kül'mku 2020).

Homaičendad[vajehta | vajehtada tekst]

  1. Число постоянных жителей в Республике Каракалпакстан на 1 января 2018 года (Kaikenaigaižiden eläjiden lugu Karakalpakan Tazovaldkundas vn 2018 1. päiväl vilukud). — Data.gov.uz. (ven.)

Irdkosketused[vajehta | vajehtada tekst]