Paskač

Vikipedii
Hüpähtada: navigacii, Ecind
Kodipaskač
Paskač
Tedoklassifikacii
Valdkund: *
Tip: Sel'gjäntkeižed
Klass: Lindud
Heimkund: Pasklindunvuiččed
Sugukund: Pasklindud
Sugu: Todesižed pasklindud
Erik: Kodipaskač
Latinankel'ne nimi
Passer domesticus (Linnaeus, 1758)

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 179628
NCBI 48849

(Kodi)Paskač vai (Kodi)Pasklind (latinan kelel: Passer domesticus, venäkelel: Домовый воробей) om lujas levitadud erik todesižiden pasklinduiden sugus (Pasklidn) da pasklindunvuiččiden sugukundas (Passeridae). Se om üks' tetabiš linduišpäi, kudambad elädas ristitun kodin rindal, i kudambid tunttas hüvin meiden tahoiš irdpol'žen nägun da harakterižen änen mödhe.

Areal[redaktiruida | redigeeri lähteteksti]

Kodipasklindun areal om röunanus ende Pohjoižel Evrazijal. Paskačud nügüd' eläb Evropas da Azijas (päiči Arktikad, Azijan pohjoižpäivnouzmpol'žid, keskuz- da suvipäivnouzmpol'žid rajonoid), i mugažo Pohjoižes da Päivnouzmpol'žes Afrikas, Senegalas, Penes Azijas, Aravijan pol'sarel da Javan sarel. XX voz'sadan augotisespäi ristitud oma tonuded paskačuid erazvuiččihe valdkundoihe (Suviafrikha, Avstralijaha, Udhe Zelandijaha, Pohjoiž- da Suviamerikha), kudambas nened linduižed elädas nügüd'.

Irdpol'ne nägu[redaktiruida | redigeeri lähteteksti]

Hibjan piduz om 14:späi 18:hesai santimetrad, mass om 21:späi 37:hesai grammad, suugiden maihutuzkeskust om 22:späi 27:hesai santimetrad. Emäč om burhahk, sel'g om burakaz pitkähkoiden muzoiden kirjaviden läipidenke, sil'män päl om loštakaz vauvaz kulm, nök om pakuižbur. Ižačul hibjan alapala om vauvhamb, ani hahk, üläh om loštakaz. Päl om tuhkhahk šapkaine, modpolišk om vauvaz hahk, sil'män al mäneb must šoid, kurkul da rindhal om mustoid läipid. Nök om must, jaugad oma burahkad. Än' - čirkinehen erazvuiččed variantad.

Elonmahtuz[redaktiruida | redigeeri lähteteksti]

Paskačan munad

Paskačuiden sömižen täht gavedile da kazmusiden semnile ližadase erazvuiččed sömjändused. Parad formiruiše tal'ven lopuks, sil aigal paskačuiden keskes om eläbzoitust, ižačud čirkaba komedas, kimiba, toratas. Pezoitelese erazvuiččiš peitsijiš, tobjimalaz puižiden da kivižiden sauvotusiden pal'huziš, murdoiden kogoiš, kodiš, uruiš, päskhaižiden pezoiš. Paskačud tehtas kogonaižed pezoiden žilod. Ezmäine nor' pol'v sünduse (lähteb munišpäi) sulakuspäi, poigmine lopiše elokus, sezonas par ehtib kazvatada 2 - 3 pezakundad. Lindunpoigaižed södas tobjimalaz erazvuiččid sel'grodatomid. Paskačud voidas eläda 13:he vodhesai.

Irdkosketused[redaktiruida | redigeeri lähteteksti]