Petuškad

Petuškad
Петушки
	Lidnanznam;
Valdkund	Venäma
Eläjiden lugu (2021)	12,166 ristitud
Pind	11,81 km²
Pämez'	Aleksandr Bagrov; (2015—)
Telefonkod	+7−49 243-xx-xxx
Avtokod	33
Aigvö	UTC+3 (MSK+0)

Petuškad (ven.: Петушки́) om Venäman lidn da lidnankund Vladimiran agjan suvipäivlaskmas. Se om Petuškan rajonan administrativine keskuz, rajonan kahtenz' lidn eläjiden lugun mödhe.

Istorii[vajehta | vajehtada tekst]

Eländpunktan aluz om pandud vl 1861 kuti žilo uden Petuškad-raudtestancijanno, kudambad nimitihe lähižen külän mödhe (nüg. Vanhad Petuškad, ven.: деревня Старые Петушки, om olmas 17. voz'sadaspäi). Vozil 1910−1915 saudihe tekstil'fabrikad, kämuiden fabrikad, savičtegint. Vl 1926 kätihe küläd lidnanvuiččeks Uded Petuškad-žiloks (ven.: Новые Петушки). Vn 1965 11. päiväspäi kül'mkud om lidnan statusanke da nügüdläiženke nimenke.

Petuškan ižandusen päsarakod oma sauvondmaterialiden tehmine (lämuzizoläcii, silikatine savič, katusenmaterialad), metallan ümbriradmine (tulkmen renghad, eriline mašiništ sauvondan täht), sömtegimišt (maidproduktad, kalakonservad da preservad meren produktoišpäi), mugažo trikotažfabrik i mecanümbriradai edheotand oma olmas.

Geografijan andmused[vajehta | vajehtada tekst]

Lidn sijadase Kläz'm-jogen hural pohjoižel randal (Volgan oigedpol'ne bassein). Matkad Vladimirhasai om 67 km pohjoižpäivnouzmha orhal vai raudtedme/«Volg»-avtotedme. Lähembaine lidn om Pokrov 18 kilometras päivlaskmha niil-žo teil.

Petuškad-lidn om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 15 148 ristitud, rajonan ristitišton videndez. Kaikiš suremb eläjiden lugu oli 20 144 ristitud vl 1989.

Ortodoksižen hristanuskondan kaks' pühäpertid om lidnas: Jumalanmaman Emäganpäivän pühäpert' (1910) i ph. Afanasijan jumalanpert' (2002).

Professionaližen opendusen aluzkundad: Petuškan tegimištoliž-gumanitarine kolledž^[1] i Vladimiran ekonomikan da oiktusen tehnikuman filial.

Transport[vajehta | vajehtada tekst]

Avtobusad oma kundaližtransportaks lidnas da sen ümbrištos, avtostancii om olmas.

Federaline «Volg»-avtote (M7) läbitab lidnan pohjošt. Petuškad-raudtestancii sijadase lidnan keskuses.

Galerei[vajehta | vajehtada tekst]

Jumalanmaman Emäganpäivän pühäpert', vn 2011 nägu
Ph. Afanasijan jumalanpert', vn 2010 nägu
Lidnan keskuzpalas vl 2010
Torguindkeskuz (2011)
Petuškad-päraudtestancijan sauvuz vl 2010

Homaičendad[vajehta | vajehtada tekst]

↑ Petuškan tegimištoliž-gumanitarižen kolledžan sait (ппгк.рф). (ven.)

Irdkosketused[vajehta | vajehtada tekst]

Municipaližen «Petuškad-lidn»-ühtnikan tobmuden aluzkundoiden oficialine sait (petushki33.ru). (ven.)

Petuškad Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[1] Petuškan tegimištoliž-gumanitarižen kolledžan sait (ппгк.рф). (ven.)

[1]