Pil'v
Pil'ved (venäkelel: Облака) om suspenziruidut atmosferas vezipurun koncentracijan produktad, kudambid voib nähta taivhal. Ned oma tobjimalaz troposferas. Pil'viden südäiolendha mülüb penikaižid tilkuižid vet da/vai jän kristalluzid (kut pil'venelementoid). Konz il'man lämuz om ülemb -10 °C, pil'viš om tilkuižid-pil'venelementoid, konz lämuz peneneb −10:späi −15:hesai °C, pil'vil om jo segoitadud südäiolend (tilkuižed da kristallad), a konz lämuz om alemb -15 °C, — vaiše kristalluded. Ku pil'venelementad tobnetas, a niiden lanktendan piguz kazvaškandeb, ka ned lankteba pil'višpäi atmosferižin sadegin (lumi, vihm, ränd, ragiž i m. e.).
Pil'ved — tetab lirine mel'kuva, kudmban oma kävutanuded äjäd runokirjutajad (ozutsikš, venäläižed kirjutajad Aleksandr Puškin, Gavriil Deržavin) ičeze sädusiš.
Päiväižen sistemas, päiči Mas, pil'ved oma kaikil planetoil-gigantoil, Marsal, Veneral, Titanal da Tritonal. Neniden planetoiden pil'vil om erazvuitte londuz, ozutesikš, Veneral om sanged pil'všoid rikmuiktusespäi, a Titanan pil'ved tegese metanan vihmoišpäi lämudel −180°С.
