Pirei

Vikipedii-späi
Pirei
Πειραιάς
Valdkund Grekanma
Eläjiden lugu (2011) 163,688 ristitud
Pind 10,86 km²
Pirei Πειραιάς
Pämez' Ioannis Moralis
(sügüz'ku 2014—)
Telefonkod +30−210
Aigvö tal'vel UTC+2,
kezal UTC+3


Pirei (grek.: Πειραιάς [piɾɛˈas], Pireas; amuižgrek.: Πειραιεύς, Pireefs) om Grekanman lidn, Afiniden suvipäivlaskmaine ezilidn, valdkundan kaikiš järedamb meriport (20 mln matknikoid vodes, 3,3 mln konteinerid vl 2015) i mail'man laivoidenlikundan registracijan znamasine keskuz. Mülüb Attik-periferijha.

Istorii[vajehta | vajehtada tekst]

Eländpunkt om amuižgrekižen Afiniden polisan meriportaks völ. Lidnoidenkeskeine te oli kaitud seinil londoišpäi vll 460−86 EME, ned oliba pandud mantazole rimalaižil i kaičenus penil paloil. Ezmäine Grekanmas raudte ühtenzoiti lidnad Afinidenke vl 1869. Afiniden metron jono nomer 1 i ezilidnelektrojonusen jonod tuldas Pireihe.

Pirei šingotase metallurgijal, mašiništonsauvomižel i sömtegimištol meriportan ližaks.

Geografijan andmused[vajehta | vajehtada tekst]

Lidn sijadase Egeižen meren Saronikos-merikaran randal, 0..87 m korktusil, 2 m ü.m.t. keskmäižel korktusel. Matkad Afiniden keskushesai om 8 km pohjoižpäivnouzmha. Pirei- i Lefk- (grek. Λεύκα) raudtestancijad ratas lidnas.

Elänzoitmatoi Psitalei-sar' mülüb Pirein kundha lidnan ližaks. Kundan pind om 10,86 km², se jäb vajehtuseta vspäi 1968.

Eläjad[vajehta | vajehtada tekst]

Vl 2001 lidnan eläjiden lugu oli 175 697 ristitud. Kaikiš suremb ristitišt oli 196 389 eläjad vl 1981. Vn 2011 Grekanman rahvahanlugemižen mödhe kaik 448 997 ristitud elädas lidnaglomeracijas (kahtenz' valdkundas), se mülüb Surihe Afinihe.

Irdkosketused[vajehta | vajehtada tekst]