Puškinan rajon (Piter)

Puškinan rajon Piterin kartal

Puškinan rajon (ven.: Пушкинский район) om rajon Piteriš, sijadase lidnan suves. Nece om Piterin kahtenz' surtte rajon territorijan mödhe.

Istorii

Rajonan aluz om pandud vn 1938 kezakun 5. päiväl. Om nügüdläižiš röunoiš vspäi 1959. Pavlovskan rajon oli erigoittud vll 1995−2005.

Rajonan administracii sijadase Puškin-lidnas, sišpäi om rajonan nimituz.

Geografijan andmused

Rajonan pind om 240,33 nellikkilometrad. Röunatab nenidenke rajonidenke:

• Piterin Kolpinon rajon om pohjoižpäivnouzmas,
• Leningradan agjan Tosnon rajon levigandeb suvipäivnouzmas,
• Leningradan agjan Gatčinan rajon om suves i päivlaskmas,
• Piterin Moskvan rajon om lodehes,
• Piterin Frunzen rajon sijadase pohjoižes.

Metron üks'jäine Šušari-stancii radab rajonas.

Rajon kogoneb vides municipaližes ühtnikaspäi, nimitadas videdme eländpunktadme. Sihe mülüdas: Puškin-lidn, Pavlovsk-lidn, Šušari- (vspäi 1953), Tärlevo- i Aleksandrovskai-žilod (oma sätud vl 1959). Municipaližed ühtnikad mülütadas 16 istorišt rajonad da ühesa territoriališt zonad.

Eläjad

Vn 2010 rahvahanlugemižen mödhe rajonan eläjiden lugu oli 135 973 ristitud. Šušari-žilo šingotase teravas, i rajonan kaikiš suremb ristitišt om nügüd', vl 2021 kaik 255 609 eläjad oli registriruidud.

Rajonan administracijan pämehen velgusentäutai om Andrei Čapurov vn 2022 kezakuspäi. Edeline rajonan administracijan pämez' om Vladimir Omel'nickii (2017−2021).

Galerei

• 
  Puškinan rajonan administracijan sauvuz Puškin-lidnas vn 2010 tal'vkus
• 
  Sündun Eläbzdusen jumalanpert' (Šušari), vn 2021 nägu
• 
  X5 Retail Group-kompanijan logistine keskuz (Šušari) vl 2019
• 
  Ekspoforum-ozutelend (2014)
• 
  Vitebskii-prospekt, vn 2019 nägu lendimespäi

Irdkosketused

• Puškinan rajonan lehtpoled Piterin tobmuden portalal (gov.spb.ru). (ven.) (angl.)
• Puškinan rajonan uzištused (pushkin-news.ru). (ven.)