Ruzajevk

Ruzajevk
Рузаевка (ven.)
Оразай (erz.)
Орозай (mokš.)
Lidnanznam;	Flag;
Valdkund	Venäma
Eläjiden lugu (2021)	42,989 ristitud
Pind	26,55 km²
Pämez'	Valerii Suraikin; (reduku 2021—)
Telefonkod	+7−83 451-xx-xxx
Avtokod	13, 113
Aigvö	UTC+3 (MSK+0)

Ruzajevk (erz.: Оразай, mokš.: Орозай, ven.: Руза́евка) om Venäman lidn da raudtesol'm Mordovijan Tazovaldkundan keskuzpalan suves. Ruzajevk om tazovaldkundan kahtenz' surtte lidn, Saranskan suvipäivlaskmaine ezilidn. Om Ruzajevkan rajonan lidnankund da administrativine keskuz.

Istorii[vajehta | vajehtada tekst]

Eländpunkt mainitase ezmäižen kerdan vl 1631 kuti lahjoitud külä Kasimovan eläjale — Urozai Tonkačev-murzale. Hänen nimen mödhe nimitihe-ki küläd. Vl 1937 žilo sai lidnan statusad.

Ruzajevkan tegimil tehtas nenid tegesid: erazvuiččed vagonad jüguiden täht^[1] (Venäman pästandan videndez, enamba mi sada modelid) i kivivoihimine mašiništ, avtocisternad, plastiktorved da tegesed, mašiništ maižanduzlikkuimiden täht, savič, raudbetontegesed, specialižed sobad. Sömtegimišton edheotandad (maidproduktad i kanamunad).

Geografijan andmused[vajehta | vajehtada tekst]

Lidn seižub Pišl'-jogen (erz.: Пишля) lanktendan sijas Insar-jogehe (Volgan bassein), 169 m ü.m.t. keskmäižel korktusel. Matkad Saranskan keskuzpalhasai om 25 km pohjoižpäivnouzmha.

Klimat om ven kontinentaline. Heinkun keskmäine lämuz om +19,6 C°, vilukun −11,6 C°. Paneb sadegid 550 mm vodes.

Tobmuz[vajehta | vajehtada tekst]

Ruzajevk om lidnankundan üks'jäižeks eländpunktaks.

Lidnankundan pämez' om sen Deputatoiden nevondkundan ezimez', edeline om Vladimir Čičevatov, radoi vn 2021 redukuhusai. Lidnankundan Administracijan pämez' om Aleksei Domnin vn 2019 kül'mkuspäi. Edeline Administracijan pämez' om Valerii Rodionov (kül'mku 2016 — sügüz'ku 2019).

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe lidnan eläjiden lugu oli 47 523 ristitud, rajonan ristitišton seičeme kümnendest. Kaik 45 988 eläjad oli lidnas vl 2017. Kaikiš suremb lidnan ristitišt oli enamba 50 tuhad eläjid vll 1982−2001 (53 tuh. rist. vl 1987).

Rahvahad: venälaižed, mokšalaižed, erzälaižed, totarlaižed.

Ortodoksižen hristanuskondan nell' pühäpertid^[2] oma kaičenus i saudud lidnas: ph. Stroican päjumalanpert' (om saudud vll 2009−2012), kaks' jumalanpertid i Jumalanmaman Kazanin jumalaižen časoun'.

Professionaližen opendusen aluzkundad oma Ruzajevkan raudten i lidnan transportan tehnikum^[3] i Saranskan politehnižen tehnikuman Ruzajevkan palakund.

Galerei[vajehta | vajehtada tekst]

Ruzajevkan rajonan tobmuden sauvuz (2018)
Jumalanmaman Kazanin jumalaižen časoun' i puruvedim-muštnik torgul läz vagzalad, vn 2014 nägu
Elektrusen järgenduzstancii vl 2015
Ruzajevkan kodirandantedištandmuzei (2010)
Ruzajevk-raudtestancii vl 2018