Süvär'

Vikipedii
Hüpähtada: navigacii, Ecind
Süvär’

Süvär’ (venäkelel: Свирь, suomen da karjalan kelil: Syväri) om jogi, kudamb lähteb Evropan toižes pindan mödhe järvespäi Änižespäi da lankteb Evropan kaikiš surembha järvhe — Ladogha. Süvärin piduz om 224 km. Süvär’ om Vaugedmeren-Baltijanmeren da Volgan-Baltijanmeren vezimatkoiden pala. Volgan-Baltijanmeren vezimatk ühtenzoitab Moskvan da Piterin.

Jogen augotišen da sun korktusen ero om 28 m. Jogel oma kaks’ gidroelektrostancijad: Ala-Süvärin elektrostancii radab 1933 vodespäi, Ülä-Süvärin elektrostancii radab 1952 vodespäi. Hö jagadas Süvären koumihe paloihe: Ala-Süvär’ (80 km), Kesk-Süvär’ (45 km) da Ülä-Süvär’ (95 km). Gidroelektrostancijoiden sauvondan taguiči libui sur’, no madal Ivinan järv. Süvärihe langetas kaks’ sured ližajoged — Ojat’ da Pašjogi.

Jogi sijadase Venäläižes Federacijas, Leningradan agjas. Süvärin randal om 2 lidnad: Pöud (Lodejnoje Pol’e) da Podporožje (Kos’kenaluine).

1942 voden elokun 3 päiväl Nevondkundaližen Ühtištusen vägiak Anna Lisicina upsi ehtatades Süväres poikpoli.

Kosketused[redaktiruida | redigeeri lähteteksti]