Severoonežsk

Vikipedii-späi
Severoonežsk
Североонежск
Valdkund Venäma
Eläjiden lugu (2021) 4,611 ristitud
Severoonežsk Североонежск
Telefonkod +7−81 832-xx-xxx
Avtokod 29
Aigvö UTC+3 (MSK+0)


Pert' Severoonežskas (2008)

Severoonežsk (ven.: Северооне́жск) om Venäman lidnanvuitte žilo Arhangel'skan agjas. Mülüb Pleseckan rajonha. Edel vn 2021 sulakud žilo oli Severoonežskan lidnankundan administrativižeks keskuseks.

Istorii[vajehta | vajehtada tekst]

Eländpunktan aluz om pandud vl 1973. Se sai lidnanvuiččen žilon statusad vl 1985.

Severoonežsk šingotase alüminijan kivendon samižel (vspäi 1974) i mecan varhapanendal da ümbriradmižel pilindmaterialoikš. Sijaližen raudten Iks-stancii radab (ven.: Икса) vspäi 1973.

Geografijan andmused[vajehta | vajehtada tekst]

Žilo sijadase Änižjogen hural randal, 55 kilometras Mirnii-lidnaspäi. Matkad Pleseck-rajonkeskushesai om 36 kilometrad.

Enččen lidnankundan pind oli 1372,05 km², i se mülüti kuz' tošt eländpunktad.

Eläjad[vajehta | vajehtada tekst]

Vn 2010 Venäman rahvahanlugemižen mödhe žilon eläjiden lugu oli 5 092 ristitud, kaiken lidnankundan — 6 741 ristitud. Kaikiš suremb ristitišt oli 6 223 eläjad vl 1989. Žilon ristitišt oli 4 973 eläjad vl 2017.

Nevondkundaline norišt sirdi žilho otmaha ut Iksan löudmižsijad kävutamižhe. Geologine muzei radab žilos, vl 2012 fizkul'turine tervehtamižkompleks om saudud.

Ortodoksižen hristanuskondan ph. Panteleimon-spravitajan jumalanpert'[1] om saudud vl 2014.

Severoonežskan specialine opendusen i kazvatusen aluzkund[2] om professijan sandan sijaks žilos.

Homaičendad[vajehta | vajehtada tekst]

  1. Severoonežskan pühäpertid sobory.ru-saital. (ven.)
  2. Severoonežskan specialižen profškolan sait (severspu.ru). (ven.)

Irdkosketused[vajehta | vajehtada tekst]