Ternopol'

Vikipedii-späi
Ternopol'
Тернопіль
 Lidnanznam
 Flag
Valdkund Ukrain
Eläjiden lugu (2021) 224,176 ristitud
Pind 72 km²
Ternopol' Тернопіль
Telefonkod +38−035
Aigvö tal'vel UTC+2,
kezal UTC+3


Ternopol' (ukr.: Тернопіль [terˈnɔp⁽ʲ⁾ilʲ]; vhesai 1944 — Tarnopol') om Ukrainan lidn valdkundan päivlaskmas. Se om Ternopolin agjan politiž-administrativine, ekonomine da kul'turine keskuz. Ternopol' om istorižen Galicii-regionan üks' koumes surembas lidnaspäi, Ukrainan päivlaskman nellänz' lidn eläjiden lugun mödhe.

Istorii[vajehta | vajehtada tekst]

Eländpunktan aluz om pandud vl 1540, konz Pol'šanman Sigizmund I-kunigaz andoi kirješt Krakovan Jan Amor Tarnovskii-kaštelänale panemha lidnad da valdoičemha mad siš ümbri. Vaumitihe lidnust kahesas vodes, se om Ternopolin zamk i om kaičenus tähäsai.

Ternopol' šingotase sömtegimištol, sauvondmaterialiden sarakol i omblendedheotandoil. Pästtas avtokabelid, mugažo mebel'fabrik i zell'fabrik ratas.

Geografijan andmused[vajehta | vajehtada tekst]

Lidn sijadase Seret-jogen randal (ukr.: Серет 242 km pitte, Dnestran hura ližajogi), 320 m ü.m.t. keskmäižel korktusel.

Klimat om ven kontinentaline. Voden keskmäine lämuz om +7,4 C°, kezakun-elokun +17..+18 C°, tal'vkun-uhokun −3..−4 C°. Ekstremumad oma −31 C° i +38 C°. Paneb sadegid 590 mm vodes, enamba kezaaigan.

Eläjad[vajehta | vajehtada tekst]

Vl 2010 eläjiden lugu oli 218 641 ristitud. Kaik pol'millionad ristituid elädas lidnaglomeracijas.

Kodikel' (2001): ukrainan kel' — 94,8%, venän kel' — 3,4%, toižed keled — 1,8%.

Nell' universitetad ratas lidnas: Päivlaskmaižen Ukrainan nacionaline universitet[1] (ukr.: Західноукраїнський національний університет, vspäi 2005, alusenpanend 1966 kuti finansoiden da ekonomikan institut, 15 tuhad üläopenikoid vl 2015), tehnine, pedagogine i medicinine universitetad.

Homaičendad[vajehta | vajehtada tekst]

  1. Päivlaskmaižen Ukrainan nacionaližen universitetan sait (wunu.edu.ua). (ukr.)

Irdkosketused[vajehta | vajehtada tekst]