Toksovo

Toksovo
Токсово
Valdkund	Venäma
Eläjiden lugu (2020)	5,499 ristitud
Telefonkod	+7−81 370-xx-xxx
Avtokod	47
Aigvö	UTC+3 (MSK+0)

Toksovo (ven.: То́ксово, suom.: Toksova) om Venäman lidnanvuitte žilo Leningradan agjan Vsevoložskan rajonan keskuzpalas.

Istorii[vajehta | vajehtada tekst]

Nell' lähišt küläd nügüdläiženke nimenke mainitasoiš Uz'lidnan Vodin pätinan aigkirjas vl 1500. Nimituz libub suomen kelen tuoksuva-vaihespäi «hajui hüvin». Vll 1930−1939 Toksovo oli rajonkeskuseks. Suomenkel'ne ristitišt oli enambuses žilos edel Sured sodad. Kezaküläpertiden žilo sai lidnanvuiččen žilon statusad vl 1963.

Toksovo šingotase betonantegimel^[1], sömtegimištol (olud, jabloksidr), meblin tehmižel, noroiden edheotandal (mugažo kervačud, verkod), agjan hihtandsportan keskusil i turizmal.

Geografijan andmused[vajehta | vajehtada tekst]

Lidnanvuiite žilo sijadase kahteskümnes kilometras pohjoižpäivnouzmha Piterin röunaspäi. Se om Toksovon lidnankundan administrativine keskuz. Matkad Vsevoložsk-rajonkeskushesai om 24 km suvipäivnouzmha.

Ühtennimine raudtestancii radab žilos vspäi 1917. Kaik om 130 nimitadud irdad, kujod da allejad.

Eläjad[vajehta | vajehtada tekst]

Vn 2010 Venäman rahvahanlugemižen mödhe žilon eläjiden lugu oli 6135 ristitud. Kaikiš suremb ristitišt oli 7616 eläjad vl 1970.

Rahvahad (2002): venälaižed — 88,6%, ukrainalaižed — 4,1%, suomalaižed — 2,1%, vaugedvenälaižed — 1,6%, toižed rahvahad — 3,6%.

Ortodoksižen hristanuskondan ph. Mikoi-arhangelan i Kaikiden taivhaližiden vägiden päjumalanpert'^[2] om saudud žilos vl 1999−2003. Lüteranine pühäpert' om restavriruidud vspäi 1990 i om avaitud.

Ristitišt ližadub kezaaigan 40 tuhazesai. Hihtandsportan nell' bazad i mägisuks'kurort sijadasoiš žilos ümbri.