Tu-154

Vikipedii
Hüpähtada: navigacii, Ecind
«Aeroflot»-aviakompanijan Tu-154

Tupolev Tu-154 (venäkelel: Ту-154; NATO:n kodifikacijan mödhe: Careless — «Holetoi») om passažirlendim kouman likutimenke keskpidusen avialinijoiden täht. Se om sädud 1960:š voziš Nevondkundaližes ühtištuses Tupolevan Konstruktorbüros Tu-104:n vajehtusen täht.

Ezmäine lendand om tehtud 1968 voden 3 redukul. Pästtud serijaha 1968 vodespäi 1998 vodhesai, om pässttud ühtes 935 lendint. 1998 vodespäi 2011 vodhesai oli mugažo vähäserine tehmine «Aviakor»-tegimes.

Se om kaikiš massižemb nevondkundaline reaktivine passažirlendim, kudamb oli XXI voz'sadan augotišes lujas levitadud keskpidusen maršrutoil Venämas. Tu-154:n kaikiš lühüdamb maršrut oli BakuAktau (388 km), a kaikiš pidemb — MoskvNerüngri (5200 km). 2008 da 2009 vozil S7:n, Aeroflotan da Rossijan aviakompanijad pučihe Tu-154:späi.

Tu-154-lendimel om erazvuiččid modifikacijoid: Tu-154A, Tu-154B, Tu-154B1, Tu-154B2 da Tu-154M. Vaiše Tu-154М:n modifikacii sai laskendan lendelta Evropan Ühtišushe.

Lendimen vedaduz om 54 tonnad, suugiden maihutuzkeskust om 37,55 metrad, füzeläžan piduz om 47,9 metrad, lendimen korktuz om 11,4 metrad, passažiroiden lugu oleskeleb 152:späi 180:he ristituihesai.

Irdkosketused[redaktiruida | redigeeri lähteteksti]