Udačnii

Vikipedii-späi
Udačnii
Удачный (ven.)
Удачнай (jakut.)
 Lidnanznam
 Flag
Valdkund Venäma
Eläjiden lugu (2017) 11,835 ristitud
Pind 2 km²
Udačnii Удачный (ven.) Удачнай (jakut.)
Pämez' Artur Prihod'ko
(reduku 2012—)
Telefonkod +7−41 136-xx-xxx
Avtokod 14
Aigvö UTC+9 (MSK+6)


Udačnii (ven.: Удачный, jakut.: Удачнай — «satusekaz» vepsäks) om Venäman lidn da lidnankund Saha Tazovaldkundan päivlaskmas. Se om Mirnijan rajonan kahtenz' surtte lidn.

Istorii[vajehta | vajehtada tekst]

Eländpunktan aluz om pandud vl 1967 samha diamantoid. Vspäi 1968 oli radnikžilon statusanke. Se om nimitadud «Udačnai»-kimberlitturun mödhe (ven.: Удачная). Toine kimberlitturu om «Zarnic» («lunad» vepsäks). Ühtenzoittihe severzid-se žiloid Udačnijha da anttihe lidnan statusad vl 1987. Tarbhatomad žilod jo rahvahatomad (Vanh Udačnii, Polärnii). Nügüd' siš om kaks' lidnanlaptad: Varmed (ven.: Надёжный, vspäi 1970, eläjad sirtas sišpäi) da Uz' lidn (ven.: Новый город, vspäi 1971).

Geografijan andmused[vajehta | vajehtada tekst]

Lidn sijadase Vilüin platol, 22 km Pohjoižes nabapirdaspäi suvhe, Daldin-jogen randoil, Marh-jogen üläjoksmusel (Vilüin hura ližajogi), 380 m ü.m.t. keskmäižel korktusel. Matkad Jakutskhasai om 930 km suvipäivnouzmha orhal i 1370 km avtotedme, Mirnii-rajonkeskushesai om 530 km suvhe. Toine lähembaine lidn om Nürb 450 km suvipäivnouzmha orhal vai 900 km avtol.

Polärnii-žilo (429 rist. vl 2013) mülüb lidnankundha Udačnijan ližaks, se seižub rahvahatoman vl 2017. Lidnankundan pind — 2 827,28 km².

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe lidnan eläjiden lugu oli 12 613 ristitud, rajonan kudendez. Kaikiš suremb lidnan ristitišt oli 19 603 eläjad vl 1989. Vl 2017 lidnankundan i lidnan ristitišt oma tazostadud.

Ortodoksižen hristanuskondan ph. Serafim Sarovalaižen jumalanpert'[1] om saudud vll 2011−2012.

Mirnii-lidnan Regionaližen tehnižen kolledžan filial om professionaližen opendusen aluzkundaks.

Ižanduz[vajehta | vajehtada tekst]

Ižandusen päsarak om diamantoiden samine tähäsai (ALROSA-kompanii).

Civiline Polärnii-lendimport (PYJ / ПЛЯ) sijadase ühesas kilometras lidnaspäi päivlaskmha. Sišpäi tehtas reisid Moskvha da Irkutskha, mugažo tazovaldkundadme. Se om varalendimport rahvahidenkeskeižiden reisiden täht.

Galerei[vajehta | vajehtada tekst]

Homaičendad[vajehta | vajehtada tekst]

  1. Udačnijan pühäpertid sobory.ru-saital. (ven.)

Irdkosketused[vajehta | vajehtada tekst]



Saha Tazovaldkundan lidnad
Aldan | Jakutsk | Lensk | Mirnii | Nerüngri | Nürb | Olökminsk | Pokrovsk | Srednekolimsk | Tommot | Udačnii | Verhojansk | Vilüisk