Usol'je

Vikipedii-späi
Usol'je
Усолье
Flag
Valdkund Venäma
Eläjiden lugu (2021) 6,619 ristitud
Pind 16 km²
Usol'je Усолье
Pämez' Andrei Bogatiröv
(keväz'ku 2017—)
Telefonkod +7−34 244-xx-xxx
Avtokod 59, 81, 159
Aigvö UTC+5 (MSK+2)


Usol'je (ven.: Усо́лье, perm. komi: Со́вдор / Усо́ллё) om Venäman lidn da lidnankund Permin randan keskuzpalan pohjoižes. Se om Usol'jen rajonan administrativine keskuz.

Pidab ei segotada Sibirin Usol'jenke (lidn Irkutskan agjas).

Istorii[vajehta | vajehtada tekst]

Eländpunktan aluz om pandud vl 1606 kuti keitandsolan samižen keskuz i Stroganovad-torgovanoiden pälidn Kam-jogen randal. Vl 1809 luja lämoipalo pani 1200 pertid mantazole, i sauvoškanzihe kivižid pertid. Saihe solad 20. voz'sadahasai. Erigoittihe Uz' Usol'je-žilod Berezniki-lidnaspäi vl 1940 i anttihe lidnan statusad.

Vll 1954−1956 täuttihe Kaman vezivaradint pästamha töhö Kaman GES:ad, i upotihe Usol'jen tobjad palad, sirtihe eläjid. Kacmata sihe, om kaičenus 40 endevanhad sauvust: Spasan Toižetamižen päjumalanpert', ph. Mikulai-čudonsädajan jumalanpert', Stroganovoiden palatad (Kaman sarel), erižpertid.

Usol'je šingotase turizmal i mecan ümbriradmižel, om äi tegimid lähižes Berezniki-lidnas.

Geografijan andmused[vajehta | vajehtada tekst]

Lidn sijadase Kamanjogen oiktal randal, 140 m ü.m.t. keskmäižel korktusel. Berezniki-lidn seižub jogen vastrandal ühtes kilometras, lidnad ühtenzoittas avtotesildal (vspäi 1981). Matkad Permihesai om 183 km suvhe orhal.

Kaik 47 pen't žilod da küläd mülüdas lidnankundha Usol'jen ližaks.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 5 694 ristitud. Vl 2017 kaik 6 236 ristitud elihe lidnas i 8 988 ristitud kaikes lidnankundas, rajonan koume videndest. Kaikiš suremb lidnan ristitišt oli 11 788 eläjad vl 1959.

Ortodoksižen hristanuskondan Spasan Toižetamižen naižjumalankodi[1] (om avaitud vspäi 1999) ühtennimiženke päjumalanpertinke, kaks' jumalanpertid i koume časounäd oma kaičenus lidnas, no oma udessündutamižes.

Professionaližen opendusen aluzkundad ratas lähižes Berezniki-lidnas.

Galerei[vajehta | vajehtada tekst]

Homaičendad[vajehta | vajehtada tekst]

  1. Usol'jen pühäpertid sobory.ru-saital. (ven.)

Irdkosketused[vajehta | vajehtada tekst]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino