Vašington

Vašington
Washington, D.C.

Lidnanznam	Flag
Valdkund	Amerikan Ühtenzoittud Valdkundad
Eläjiden lugu (2010)	601 723 ristitud
Pind	177 km²
Pämez'	Vinsent Grei
Telefonkod	+1-202
Aigvö	UTC-5

Vašington (anglijan kelel: Washington, D.C.) om Amerikan Ühtenzoittud Štatoiden pälidn. Oficialine nimi om Kolumbijan federaline ümbrik, se om ičenaine territorii, kudamb ei mülü toižhe štatoihe. Vašingtonan augonpanendan dat om 1791 voz'. Lidn sai sen nimen ezmäižen Ühtenzoittud štatoiden prezidentan Vašingtonan Džordžan mödhe. Vodespäi 1871 Vašington, Džordžtaun da toižed rajonad oma ühtenzoittud Kolumbijan federaližhe ümbrikho (anglijan kelel: District of Columbia, lühüdas: D.C.). Amerikalaižed tobjimalaz kuctas paginas lidnan «Di-Si»:kš vai «Vašington Di-Si»:kš, miše ei segoitada lidnad ühtennimižen valdkundanke AÜV:n lodehel.

Lidnan sijaduz om Potomakan jogen pohjoižrandal, sil om röunad Virginijan valdkundanke suvipäivlaskmal da Merilendan valdkundanke kaikil toižil polilpäi. Kaikenaigaižiden eläjiden lugu om 601 723 rist., no köläidimenvuičcen migracijan taguiči ezilidnoišpäi se sureneb muupäivin ühthe millionhasai. Vašingtonan lidnaglomeracijan eläjiden lugu on 5,4 millionad ristitud.

Vašingtonas oma koumen tobmudennoksiden ezitaikundad, AÜŠ:n prezidentan rezidencii (Vauged pert'), a mugažo rahvahaližen znamoičendan muzejad da muštpachad. Lidnas oma Mail'man bankan, Rahvahankeskeižen valütfondan, Amerikan valdkundoiden organizacijan (AVO), Amerikoidenkeskeižen bankan da Panamerikanižen tervudenorganizacijan päfaterad.

Lidnan deviz om (latinan kelel): Justitia Omnibus (angl.: Justice for All, Oigedsudind kaikiden täht).

Lidnan nägud

• 

  Kongressan pert' (Kapitolii)

• 

  Vašingtonan kafedraline päjumalanpert'

• 

  Džeffersonan memorial

• 

  Vauktan Pertin suvipol'ne oc

• 

  Pentagon

Vašingtonan monumentan panoram

Irdkosketused

• Kolumbijan federaližen ümbrikon sait (anglijan kelel)