Venäman millionerlidnad
Vspäi 2022 Venämas om kuz'toštkümne (16) millionerlidnad:
| Sija | Lidn | Eläjiden lugu (tuh. rist.) (vn 2010 rahvahanlugemižen mödhe) |
Toižetused vn 2002 rahvahanlugemižhe rindataden |
Eläjiden lugu 01.01.2015 (tuh. rist.) |
Eläjiden lugu (tuh. rist.) (vn 2021 rahvahanlugemižen mödhe) |
|---|---|---|---|---|---|
| 1 | Moskv | 11504 | 113 % | 12330 | 13010 |
| 2 | Piter | 4880 | 104 % | 5225 | 5602 |
| 3 | Novosibirsk | 1474 | 103 % | 1584 | 1634 |
| 4 | Jekaterinburg | 1350 | 104 % | 1428 | 1544 |
| 5 | Kazan' | 1144 | 103 % | 1217 | 1309 |
| 6 | Alauz'lidn | 1251 | 95 % | 1272 | 1226 |
| 7 | Čeläbinsk | 1130 | 105 % | 1192 | 1190 |
| 8 | Krasnojarsk | 977 | 107 % | 1067 (enamba 1000 vn 2012 sulakus) | 1188 |
| 9 | Samar | 1165 | 102 % | 1171 | 1173 |
| 10 | Uf | 1062 | 102 % | 1109 | 1145 |
| 11 | Rostov Donal | 1089 | 102 % | 1115 | 1142 |
| 12 | Omsk | 1166 | 101 % | 1178 | 1126 |
| 13 | Krasnodar | 764 | 118 % | 830 | 1099 |
| 14 | Voronež | 890 | 111 % | 1032 (1000 17.12.2012) | 1058 |
| 15 | Perm' | 991 | 101 % | 1041 (1000,7 01.01.2012) | 1034 |
| 16 | Volgograd | 1021 | 99 % | 1018 | 1028 |
Kaik millionerlidnad oma Federacijan subjektan i lidnaglomeracijan keskusikš da järedoikš sijaližikš torgusikš ičeksaz. Venäman ohjastuz lahjoičeb erilišt tarkust niiden transportsistemha. Mugoižiden lidnoiden pämehed oma znamasižed Federacijas.
Venäma otab koumant..nellänt sijad mail'mas (kut Brazilii-ki) lidnoiden-millionnikoiden lugun mödhe. Krasnodar tegihe valdkundan 16-ndeks millionnikaks vn 2021 Venäman rahvahanlugemižen satusiden mödhe, kaik toižed kaičiba ičeze statusad. Saratov i Tümen' oma submillionnikoikš. Volgaveren federaližes ümbrikos om kaikiš enamba lidnoid ülemb mi million eläjanke — viž. Vn 2021 rahvahanlugemižen andmusiden mödhe, valdkundan ristitišton nelländez i lidnalaižiden koumandez eläb niiš millionnikoiš da submillioneroiš (18 järedambad lidnad).
Istorižešti Piter kändihe millionnikaks ezmäižen vl 1890, no sen jäl'ghe eläjiden lugu oli vähemb mi million lühüdaks aigaks kaks' kerdad: rahvahanikoiden sodan aigan i Suren sodan blokadan jäl'ghe. Moskvan eläjiden lugu ületi millionad vn 1897 rahvahanlugemižen mödhe. Toižed millionnikad oma Venäman territorijal Suren sodan jäl'ghe: Novosibirsk i Alauz'lidn vspäi 1962, Jekaterinburg i Samar vspäi 1967, Čeläbinsk vspäi 1976, Omsk vspäi 1978, Kazan' i Perm' vspäi 1979, Uf vspäi 1980.
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |