Vepsän kel'

Vepsän abekirj (ezmäižen periodan kirjkel')

Vepsän kel' om suomalaiž-ugrilaine kel', vepsän rahvahan kel'.

Geografii

Vepsän kelel pagištas Venälaižes Federacijas: Karjalan Tazovaldkundas (Änižröunan rajon), Leningradan da Vologdan agjoiš.

Pagižijoiden lugu

Pagižijoiden tarkoiged lugu om tundmatoi. Venälaižen Federacijan rahvahanlugemižen mödhe (2010 v.) Venämas om läz 6000 vepsläšt da enamb 3600 vepsän kelen pagižijoid.

Paginantedo

Vepsän keles om koume paginad: pohjoižvepsän, keskvepsän da suvivepsän pagin. Pohjoižvepsän paginan pagižijad elädas Karjalan Tazovaldkundas; suvuvepsän paginan pagižijad - Leningradan agjas, a keskvepsän paginan pagižijad - Leningradan da Vologdan agjoiš. Erased paginad, kudambid oli fiksiruinuded kelentedomehed ende, koliba. Ozutesikš, ei ole jo Isajevon volostin vepsläižid, kudambiš oli kirjutanu suomalaine kelentedomez' J. Basil'jer XIX voz'sadas ičeze tös «Vepsäläiset Isajevan Voolostissa» (1890).

Vepsän kirjamišt

Nügüd' kävutadas vepsän kelen latinalaine kirjamišt:

A a [aa]	B b [bee]	C c [cee]	Č č [čee]	D d [dee]	E e [ee]
F f [äf]	G g [gee]	H h [hoo]	I i [ii]	J j [jii]	K k [koo]
L l [äl]	M m [äm]	N n [än]	O o [oo]	P p [pee]	R r [är]
S s [äs]	Š š [šaa]	Z z [zee]	Ž ž [žee]	T t [tee]	U u [uu]
V v [vee]	Ü ü [üü]	Ä ä [ää]	Ö ö [öö]	’[pehmituzznam]

Fonetik

Vokalizm

	ezirivi	tagarivi
ülälibund	i, ü	u
kesklibund	e, ö	o
alalibund	ä	a

Vepsän sanoiš om vaiše laskmiždiftongid:

1) u-diftongid, ozutesikš, ou, öu, üu

2) i-diftongid, ozutesikš, oi, ui, äi, üi

Libumiždiftongid om vaiše velgsanoiš, ozutesikš, špionaž-sanas.

Vokaliden garmonijad, kudambad voib nähta, ozutesikš, suomen keles, vepsän keles tämbäi ei ole jo. Sen jändused jädas kaikihe paginoihe, no niiden parahim kaičendmär om suvivepsän paginas.

Painend om fiksiruidud (ezmäižhe tavuhu).

Grammatik

Nominad

→ Vepsän kändod

Nimed (nominad) toižetase luguidme da kändoidme.

Vepsän keles om 23 vai 24 kändod (ku lugeda kändoks m.n. vanh prolativ -iči-ozutajanke).

Substantividen kändluz

Känd	Üks'lugu	Äilugu
Nominativ	nado	nadod
Genitiv	nadon	nadoiden
Akkuzativ	nadon	nadod
Partitiv	nadod	nadoid
Translativ	nadoks	nadoikš
Abessiv	nadota	nadoita
Komitativ	nadonke	nadoidenke
Inessiv	nados	nadoiš
Elativ	nadospäi	nadoišpäi
Illativ	nadoho	nadoihe
Adessiv	nadol	nadoil
Ablativ	nadolpäi	nadoilpäi
Allativ	nadole	nadoile
Essiv-instruktiv	nadon	nadoin
Prolativ	nadodme	nadoidme
Approksimativ I	nadonno	nadoidenno
Approksimativ II	nadonnoks	nadoidennoks
Egressiv	nadonnopäi	nadoidennopäi
Terminativ I	mechasai	mecoihesai
Terminativ II	nadolesai	nadoilesai
Aditiv I	mechapäi	mecoihepäi
Aditiv II	nadolepäi	nadoilepäi

Adjektividen kändluz

Känd	Üks'lugu	Äilugu
Nominativ	nor'	nored
Genitiv	noren	noriden
Akkuzativ	noren	nored
Partitiv	nort	norid
Translativ	noreks	norikš
Abessiv	noreta	norita
Komitativ	norenke	noridenke
Inessiv	nores	noriš
Elativ	norespäi	norišpäi
Illativ	norhe	norihe
Adessiv	norel	noril
Ablativ	norelpäi	norilpäi
Allativ	norele	norile
Essiv-instruktiv	noren	norin
Prolativ	noredme	noridme
Approksimativ I	norenno	noridenno
Approksimativ II	norennoks	noridennoks
Egressiv	norennopäi	noridennopäi
Terminativ I	norhesai	norihesai
Terminativ II	norelesai	norilesai
Terminativ III	noressai
Aditiv I	norhepäi	norihepäi
Aditiv II	norelepäi	norilepäi

Verbad

Verbad toižetase luguidme da personidme.

Vepsän keles om üks' abuverb olda. Se om mugažo üksjäine värformine verb keles.

Olda-verban kändluz Prezensas.

Pozitivižed formad

Üks'lugu

1. Minä olen

2. Sinä oled

3. Hän om

Äilugu

1. Mö olem

2. Tö olet

3. Hö oma

Negativižed formad

Üks'lugu

1. Minä en ole

2. Sinä ed ole

3. Hän ei ole (eile)

Äilugu

1. Mö em olgoi

2. Tö et olgoi

3. Hö ei olgoi

Vepsän kirjkel' da literatur

Oficialižen kirjkelen vepsläižed saiba ezmäižen kerdan vaiše 1930-den voziden augotišes. Siloi pästtihe openduzkirjoid i toižid kirjoid (ozutesikš, abugrammatik opendajile, vepsläiž-venälaine vajehnik, üks' kätud kirj lapsile). Nügüdläine kirjkel' om sündnu 1990-l vozil i šingotase latinalaižel kirjamištol.

Vepsän kirjankelel pästtas erazvuiččid kirjoid (openduzliteratur, čomamahtoine literatur). Kaikiš järedambad nügüd'aigaižed vepsän kelel kirjutajad avtorad - Nikolai Abramov, Igor' Brodskii, Aleksei Ščennikov. Nikolai Abramov om lujas tutab runokirjutai, vepsän čomamahtoižen literaturan alusenpanii.

Kacu mugažo

• Vepsän grammatik

Irdkosketused

• Ethnologue report for Veps
• The Peoples of the Red Book: THE VEPS
• VEPS.ORG
• Piterin Vepsän sebran oficialine sait
• Piterin Vepsän sebran forum
• Piterin Vepsän sebran grupp V_Kontakte

Literatur

• Ahlqvist A. E. Anteckningar i nord-tschudiskan. — Acta Soc. Scient. Fenn. — 1861. — 6. S. 49 — 113
• Airola M., Turunen A., Rainio J. Vepsän opas. OY Suomen Kirja, Helsinki, 1945
• Basilier H. Vepsäläiset Isajevan voolostissa. — JSFOu. — 1890. — 8. S. 43 — 84
• Hämäläinen M., Andrejev F. Vepsä-venähine vajehnik. Moskv — Leningrad, Uçpedgiz, 1936 Электронная копия
• Kalima J. Vepsän sanastoa. 1. sihlane «nokkonen», 2. parh «lumikerros», 3. rud «kuiva havupuu». — Virittäjä — 1927. — № 1 — 3. S. 53 — 56
• Kalima J. Itämerensuomalaisten kielten balttilaiset lainasanat. Helsinki, 1961
• Kalima J. Slaavilaisperäinen sanastomme. Tutkimus itämerensuomalaisten kielten slaavilaisperäisistä lainasanastoa. SKST 243. Helsinki, 1952
• Kalima J. Die slavischen Lehnwörter im Ostseefinnischen. Berlin, 1956
• Kettunen L. Näytteitä etelävepsästä. I. Helsinki 1920
• Kettunen L. Lõunavepsa häälik-ajalugu. Tartu, 1922. — 1 — 2 — (Acta et Commentationes. Ser. B; T. 3, № 4.) 1. Konsonandid. 2. Vokalid
• Kettunen L. Näytteitä etelävepsästä. II. Helsinki 1925
• Kettunen L., Siro P. Näytteitä vepsän murteista. SUSA LXXXVI. Helsinki, 1935
• Lakó Gy. Syrjänisch-wepsische Leinbeziehungen. UAJb. XV, Wiesbaden, 1935
• Näytteitä vepsän murteista. Keränneet ja julkaisseet L. Kettunen ja P. Siro. MSFOu LXX. Helsinki, 1935
• Näytteitä äänis- ja keskivepsän murteista. Keränneet E. N. Setälä ja J. H. Kala, julkaissut E. A. Tunkelo. MSFOu C. Helsinki, 1951
• Rainio J. Vanhaa äänisvepsäläistä lääkintietoa. — Eripainos Kalevala seuran vuosikirjasta, 1973, № 53. S. 289—312
• Setälä E. N., Kala J. H. Näytteitä äänis- ja keskivepsän murteista. SUSA C. Helsinki, 1951
• Sovijärvi A., Peltola R. Äänisvepsän näytteitä. SUSA CLXXI. Helsinki, 1982
• Thomsen W. Über den Einfluss der germanischen Sprachen auf die Finnisch-lappischen. Halle, 1870
• Thomsen W. Berøringer mellem de finske og de baltiske (litauisk-lettiske) Sprog. København, 1890
• Tunkelo E. A. Vepsän kielen äännehistoria. — Suomalaisen Kirjallisuuden Seuran Toimituksia. — 228. — Helsinki, 1946
• Vepsa Vanasõnad. — I—II — Tallinn, 1992. 683 lk. (сквозная нумерация страниц)
• Zaiceva N. Vepsän kelen grammatik. I — Petroskoi, 1995, II — Petroskoi, 2000
• Zaitseva Maria. Vepsän kielen lauseoppia. SUST 241. Helsinki, 2001. 152 lk. ISBN 952-5150-61-5
• Баранцев А. П. О рукописном русско-вепсском словаре середины прошлого века. — Вопросы советского финно-угроведения. Языкознание. (Тезисы докладов и сообщений на XIV Всесоюзной конференции по финно-угроведению, посвящённому 50-летию образования СССР) — Саранск, 1972. С. 3 — 4
• Баранцев А. П. О рукописном русско-вепсском словаре середины прошлого века. — Tartu ülikooli toimetised. — 1975. — vih. 344. Lk. 43 — 55
• Бродский И. В. О складывающихся нормах вепсской орфоэпии. — Вопросы уралистики. Санкт-Петербург, «Наука», 2009. ISBN 978-5-02-025585-2. C. 205 - 209
• Бродский И. В. Некоторые современные проблемы становления вепсского письменного языка. — Вопросы уралистики. Санкт-Петербург, «Наука», 2009. ISBN 978-5-02-025585-2. C. 210 - 219
• Глебова О. В. Отрицательные формы претерита в вепсском языке. — Вопросы уралистики. Санкт-Петербург, «Наука», 2009. ISBN 978-5-02-025585-2. C. 224 - 227
• Зайцева М. И. Суффиксальное глагольное словообразование в вепсском языке. Л., «Наука», 1978. 176 с.
• Зайцева М. И. Грамматика вепсского языка. Фонетика и морфология. Л., «Наука», 1981
• Зайцева М. И., Муллонен М. И. Образцы вепсской речи. Л., 1969
• Зайцева М. И., Муллонен М. И. Словарь вепсского языка. ИЯЛИ Карельск. филиала АН СССР. — Л. «Наука», 1972. — 747 с.
• Зайцева Н. Г. Именное словоизменение в вепсском языке. Петрозаводск, 1981. 218 с.
• Зайцева Н. Г. Вепсский глагол. Петрозаводск, 2002. 288 с.
• Игушев Е. А. К вопросу о карело-вепсском элементе в коми языке. — Вопросы финно-угроведения. 1. Языкознание. (Тез. докл. на XVI Всесоюзной конференции финно-угроведов). — Сыктывкар, 1979. С. 115
• Игушев Е. А. Вепсский элемент в коми языке. — Congr. Quintus Intern. Fenno-Ugristarum, Turku 20 — 27 aug. 1980. — Turku, 1981. — Pt. 7. P. 192—197
• Йоалайд М. Этническая территория вепсов в прошлом. — Проблемы истории и культуры вепсской народности. — Петрозаводск, 1989. С. 76 — 83
• Лыткин В. И. Вепсско-карельские заимствования в коми-зырянских диалектах. — Академику В. В. Виноградову к его шестидесятилетию. М., 1956. С. 179—189
• Лыткин В. И. Карельско-вепсские заимствования в коми языке. — Всесоюзное совещание по вопросам финно-угорской филологии, 26 — 30 июня 1961 г.: Тез. докл. — Петрозаводск., 1961. С. 13 — 14
• Лыткин В. И. К вопросу о прибалтийско-финских заимствованиях в коми-зырянских диалектах. — Прибалтийско-финское языкознание, вып. 39, М.-Л., 1969
• Макаров Г. Н. К вопросу о прибалтийско-финских и коми-зырянских языковых контактах. СФУ III, 1967
• Макарьев С. Вепсы. Л., 1932
• Муллонен И. Очерки вепсской топонимии. — СПб., «Наука», 1994. 155 с.
• Пименов В. В. Вепсы. Очерк этнической истории и генезиса культуры. М., Л., 1965
• Пименов В. В., Строгальщикова З. И. Вепсы: расселение, история, проблемы этнического развития. — Проблемы истории и культуры вепсской народности. — Петрозаводск, 1989. С. 24 — 26
• Подвысоцкий Н. Кайваны. — Естествознание и география. Москва, 1899. № 1. С. 51 — 62
• Туркин А. И. К вепсско-карельским заимствованиям в коми-зырянских диалектах. — Вопросы финно-угроведения. — Йошкар-Ола, 1970. — вып. 5. С. 156—159
• Туркин А. И. О прибалтийско-финских и коми-зырянских контактах. — СФУ. — 1974. — № 1. С. 7 — 9
• Успенский П. Русско-чудский словарь. СПб, 1913. 46 с.Электронная копия
• Хямяляйнен М. М. Вепсский язык. — Языки народов СССР. — том III. М., 1966. — С. 81 — 100