Viktorii (järv)

Vikipedii-späi
Sil sanal voib olda toižid znamoičendoid; miše nähta niid, tulgat tänna.
Viktorii-järven fotokuva kaimdajaspäi

Viktorii (angl.: Lake Victoria, lug.: 'Nnalubaale, ruand.: Njanza, mugažo Nam Lolve i Ukereve toižil sijaližil kelil) om Afrikan kaikiš suremb järv da koumanz' surtte reskveden järv mail'mas pindan mödhe.

Britanine Džon Henning Spik-matkadai avaiži järved evropalaižile vl 1858 i nimiti Viktoria-kunigaznaižen mödhe.

Ümbrikirjutand[vajehta | vajehtada tekst]

Järv sündui antropogenan keskes, läz üht millionad vozid tagaz. Sijadase ekvatoran pirdal, Päivnouzmafrikan platforman tektonižes alangos, koumen valdkundan territorijal: Kenii (pen' pala), Tanzanii, Ugand. Om vezivaradimen režimas vspäi 1954, konz Ouen Fols-gidroelektrostancii (nüg. Nalubaale) radaškanzi Vauktan Nilan joginiškal.

Randanpird om koverikaz. Randad oma madalad sodunuded, suvipäivlaskmas korktad kall'oikahad. Znamasižed lahted: Vinam (Kavirondo), Spik, Smit-Saund.

Viktorii mülüb Nilan basseinha. Kaikiš znamasižemb langenii jogi om Kager (angl.: Kagera), Vauged Nil jokseb järvespäi.

Kävutand[vajehta | vajehtada tekst]

Kalanpüdand (enamba sadad kalan erikod, äjad oma endemikad) i laivoidenlikund oma šingotadud järvel.

Nened järedad portad ratas randoil: Mvanz, Bukob (Tanzanii), Entebbe (Kampalan ezilidn), Džindž (Ugand), Kisumu (Kenii).

Ühthižed andmused[vajehta | vajehtada tekst]

  • Pind — 68 800 km²
  • Suruded 320 x 275 km
  • Vedenmülü — 2 750 km³
  • Ližakaz mülü vezivaradimeks — 205 km³
  • Kaikiš suremb süvüz — 83 m
  • Keskmäine süvüz — 40 m
  • Pindan korktuz meren tazopindan päl — 1 133 m
  • Randanpird ülitab 7000 km

Kaik om 84 sart järves 6000 km² ühthiženke pindanke, kaikiš suremb om Ukereve-sar' järven suvipäivnouzmas.

Homaičendad[vajehta | vajehtada tekst]