Čuičenko Konstantin Anatoljevič
| Konstantin Anatoljevič Čuičenko | |
 Konstantin Čuičenkon oficialine portret | |
| nimi sündundan jäl'ghe: |
ven.: Константин Анатольевич Чуйченко |
|---|---|
| radmižen toižend: | |
| sündundan dat: |
12. heinku 1965 |
| sündundan sijaduz: |
Lipeck, Venäman NFST[d], Nevondkundaližiden Socialistižiden Tazovaldkundoiden Ühtištuz |
| valdkund: |
|
 Konstantin Anatoljevič Čuičenko VikiAitas | |
Konstantin Anatoljevič Čuičenko (ven.: Константи́н Анато́льевич Чу́йченко, sünd. 12. heinku 1965, Lipeck, Lipeckan agj, Venäman NFST, NSTÜ) om venämalaine valdkundmez', Venäman justicijan ministr vn 2020 vilukun 21. päiväspäi. Venäman Varuitomuden nevondkundan ühtnii vn 2020 uhokun 3. päiväspäi[1]. Valdkundaline justicijan nevonik (2020).
Aigemba oli Venäman prezidentan abunikaks — Venäman Prezidentan tarkišteluzohjandusen pämez' vll 2008−2018. Venäman valdkundmehišton varapämez' — Venäman valdkundmehišton apparatan pämez' vll 2018−2020.
Biografii
[vajehta | vajehtada lähtetekst]Konstantin Čuičenko om sündunu Lipeckha vn 1965 12. heinkud. Tat — Anatolii Konstantinovič Čuičenko (om sündnu vl 1936), služi Nevondkundaližen Ühtištusen kundaližen järgestusen varjoičendan ministrusen palakundoiš, vozil 1978−1983 oli Leningradan agjan Vsevoložsk-lidnan prokuroran, vodel 1985 oli oigetud Lodehližhe transportprokuraturha, siš služi vodhesai 1996[2].
Vl 1987 Konstantin lopi opendust Leningradan valdkundaližen universitetan juridižel fakul'tetal, openzihe ühtes gruppas Dmitrii Medvedevanke.
Vozil 1987−1989 Čuičenko radoi openikan, sledovatelän Leningrad-lidnan Kalininskii-rajonas.
Vozil 1989−1992 služi valdkundaližen varuitomuden palakundoiš oficeran radsijal.
Vozil 1992−1994 «Inter'uraudit de Faria i T»-akcionersebran pämez'. Projektad, kudambid hänen firm pästi eloho, koskiba germanižid rahapanendoid Venämha.
Vozil 1994−2001 Čuičenko — Rahvahidenkeskeižen oiktuznevojiden «Sankt-Peterburg»-kollegijan ühtnii (Moskvan palakundan ezmäižen juridižen konsul'tacijan oiktuznevoi).
Vozil 2001−2008 radoi pämehen juridižes departamentas, oli -organizacijan ohjandusen ühtnikan. Čuičenko oli üks' päpagenikoišpäi venä-ukrainižiden paginoiden aigan gazan mödhe.
Vozil 2004−2008 — kompanijan pämez' (üks' koumes pämehespäi neciš kompanijas, kudamb om registriruidud šveicarižes Cug-lidnas da kantonas).
Vozil 2008−2018 Čuičenko oli Venäman prezidentan abunik — Venäman prezidentan tarkišteluzohjandusen pämez'.
Vozil 2018−2020 — Dmitrii Medvedev-päministran valdkundmehišton varapämez' — Venäman ohjastusen apparatan pämez'.
Vn 2019 8. sulakud Medvedev-päministran käskön mödhe kändihe radgruppan pämeheks.
Vn 2020 vilukun 21. päiväspäi — Mihail Mišustin-päministran ohjastuses[3].
Vn 2024 14. semendkud Čuičenko om pandud Venäman justicijan ministran sijale möst.
Vodelpäi 2013 — «Amuran tigr»-keskusen tarkišteluznevondišton pämez'. Vn 2019 3. sügüz'kuspäi — orgkomitetan pämez' Rahvahidenkeskeižen tigroiden popul'acijan kaičemižen foruman vaumičendas da vedamižes[4].
Personaline elo
[vajehta | vajehtada lähtetekst]Čuičenko om nainu, Kristina Tihonova om hänen ak. Kanzas koume tütärt om.
Pauklahjad
[vajehta | vajehtada lähtetekst]- 4. märpordhan "Arvtegoiš Kodiman edes"-orden (vn 2011 3. elokud) — sures tondas Venäman Prezidentan radho da äivoččes hüväs rados.
- Arvostelusen orden (vn 2006 23. keväz'kud) — radon satusiš da äivoččes hüväs rados.
- Nevalaižen Aleksandran orden (vn 2014 21. keväz'kud).
- Pühän Radonežan Sergijan 4. märpordhan orden (vn 2024 2. sulakud) — tondas pühäkodin-valdkundaližiden kosketusiden šingoteshe.
Homaičendad
[vajehta | vajehtada lähtetekst]- ↑ Указ «О внесении изменений в состав Совета Безопасности Российской Федерации, утвержденный Указом Президента Российской Федерации от 25 мая 2012 г. № 715». (ven.)
- ↑ Энциклопедия ТАСС, 2024. Чуйченко, Константин Анатольевич — Министр юстиции РФ. (ven.)
- ↑ Указ Президента Российской Федерации от 21.01.2020 № 35 «О Министре юстиции Российской Федерации». (ven.)
- ↑ Указ Президента Российской Федерации от 03.09.2019 № 412 «О проведении Международного форума по сохранению популяции тигра». (ven.)