Šablon:Motd/2024-06-04 (vep)

«El'getomad akad» (angl.: Foolish Wives, nevondkundaližes prokatas ven.: Отпрыски благородного рода «Hüväsuguižen rodun jäl'gnikad») om vn 1922 amerikaine bigifil'm erotine dram-žanras. Tegi Universal Pictures-kompanii. Sen režissör da scenarist om Erih fon Štrogeim (hänen koumanz' lugul fil'm), prodüserad — hän-žo i Karl Lemmle. Kompanii nimiti fil'mad «ezmäižeks fil'maks Gollivudaspäi million dollarad büdžetanke». Fil'man pala om käzin mujutadud. Pagenu Venämaspäi Monte-Karloho mez' edestab ičtaze elokahaks Karamzin-grafaks, hän mel'heižidenke (edestadas kuzinoikš) sadas kebnoid rahoid manitaden elokahid naižid, rikoihe mest lopuks necišpäi. Vändiba rolid: Erih fon Štrogeim (Karamzin-graf), Mod Džordž (Ol'ga Pečnikova-kuzin), Mei Buš (Vera Pečnikova-kuzin), Miss DüPont (amerikaižen sur'oigenuden ak), Čezare Gravina (fal'šižiden rahoiden Čezare Ventučči-tegii). Videon hätkeližuz om 2 časud 22 min 18 s.