Šablon:Motd/2026-03

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Neciš sel'gitajas videos psihologijan sferas starinoičese, mikš tuntketoi edelpäivastustuz om tarbhaine, kut gruppan dinamik voib valatoitta pätandoiden vahvištamišt. Miččid tuntkekahid haškuid mö voim tehta otmaha mugomid pätandoid gruppoiš, kudambad oližiba melevambad, oiktusekahad da balansiruidud? Videon hätkeližuz om 2 min 15 s, 8. eloku 2025, tegi Kunigazline sebr (The Royal Society), London.

Source file/Файл-источник Toižetada Allekirjutez
Label in English / Подпись на русском

02

Mikročipan südäin om noidustai azj. Täs mö surenzoitam sen kuvad digitaližen SLR-kameran abul, sid' kävutam skanirujad elektroništ mikroskopad, se-žo SEM. Kacmata sihe, miše mikročip om vanhtunu, sen sauvondan äjad principad kävutasoiš projektiruindas tähäsai, no märitud nanometroil strukturoiš, ei mikronoil. Videon hätkeližuz om 3 min 40 s, 22. viluku 2014, om ottud socialižen YouTube-verkon NISENet-kanalaspäi (nisenet.org), anglijan kelel.

Source file/Файл-источник Toižetada Allekirjutez
Label in English / Подпись на русском

03

Kümnepäiväline amerikaine Apollo 9-missii kodvimha modulid lendusen täht Kudmaižennoks, oli töhöpästtud geocentrižele orbitale kosmoskeskusespäi Kennedin nimed vn 1969 keväz'kun 3. päiväl. Videon hätkeližuz om 22 min 50 s, fil'man tegii om amerikaine NASA.

Source file/Файл-источник Toižetada Allekirjutez
Label in English / Подпись на русском

04

Argentinine matkadai mail'madme (Un Topo por el Mundo) Tän'an'men'-torgul (kaikiš surembišpäi mirus) Kitain Pekin-pälidnas. Videon hätkeližuz om 19 min 21 s, 19. heinku 2024, ispanijan kelel.

Source file/Файл-источник Toižetada Allekirjutez
Label in English / Подпись на русском

05

Tehtud GoPro hero5 Session-kameran abul hihtandan video Cerknon kukhil (sloven.: Cerkljansko hribovje / Cerkljansko) Al'piden röunal Slovenijan lodehes. Videon hätkeližuz om 1 min 55 s, 30. viluku 2019, om ottud socialižen YouTube-verkon Jaka Triler-kanalaspäi.

Source file/Файл-источник Toižetada Allekirjutez
Label in English / Подпись на русском

06

«Raten XML-znamastuzkelenke» (Working with XML), urok-prezentacii Vikiversitetan verktedon MOOC-kursan täht (angl.: Massive open online course «Massine avoin onlainkurs»). Videon hätkeližuz om 4 min 20 s, 12. kül'mku 2013, tegi Rob-nowman-kävutai.

Source file/Файл-источник Toižetada Allekirjutez
Label in English / Подпись на русском

07

Ristitud Torgusen torgul (suom.: Helsingin kauppatori) Suomenman Hel'sinki-pälidnas, 1918. voz', lühüdpiduzline mustvauged bigifil'm. Videon hätkeližuz om 37 sekundad, tegi Ab Maxim Oy / Veikko Itkonen. Om ottud Yle-arhivoišpäi vl 2015.

Source file/Файл-источник Toižetada Allekirjutez
Label in English / Подпись на русском

08

Rahvahidenkeskeine kirjjarmank Serbijan Belgrad-pälidnas vl 2018 (serb.: Међународни београдски сајам књига / Sajam knjiga Beograd, angl.: International Belgrade Book Fair 2018). Jogavozne aigtego vedase vspäi 1957. Videon hätkeližuz om 37 sekundad, 21. reduku 2018, tegi Petar Milošević-kävutai.

Source file/Файл-источник Toižetada Allekirjutez
Label in English / Подпись на русском

09

Bur negljaugaine pulo (latin.: Ninox scutulata) Pulod-sugukundaspäi mecelon Kuldih-kel'dtahos (angl.: Kuldiha Wildlife Sanctuary 272,75 km² pindal), Päivnouzmaižed Gatad, Odiš-štatan pohjoižpäivnouzm, Indii. Videon hätkeližuz om 9,8 sekundad, 4. keväz'ku 2025, tegi Tisha Mukherjee-kävutai.

Source file/Файл-источник Toižetada Allekirjutez
Label in English / Подпись на русском

10

Slaidšou severziš-se parahimiš kuvišpäi, kudambid NASA:n/EKA:n kosmine «Habbl»-teleskop tegi raten orbital 22 vot. Videon hätkeližuz om 5 min 4 s, 17. sulaku 2012, tegi amerikaine NASA.

Source file/Файл-источник Toižetada Allekirjutez
Label in English / Подпись на русском

11

Žegnäna jam (sloven.: Žegnana jama) om makar (karst) läz Orehek-žilod, Postoinan lidnankund, Slovenijan suvipäivlaskm. Sijaline mouckiven Karst-plato andoi nimed kaikele nägusele. Videon hätkeližuz om 4 min 20 s, 21. kül'mku 2015, tegi caveman0043-kävutai.

Source file/Файл-источник Toižetada Allekirjutez
Label in English / Подпись на русском

12

17. voz'sadan italine veroline La Mantovana-pajo (vai Il Ballo di Mantova «Mantujan karg»), kirjuti melodijad Džuzeppe Čenči-tenor (Giuseppino del Biado, kol. 1616) vl 1600 Fuggi, fuga, fuga da questo cielo-tekstale («Pagene, pagene siš taivhaspäi»), sädi i järgenzi kulundfailad Rabanus Flavus (Peter Gerloff), 4. heinku 2023. Melodii oli populärine Udessündutamižen aigan i oli kirjutadud erazvuiččiš evropižiš valdkundoiš ičeze nimiden al. Audion hätkeližuz om 56 sekundad.

Source file/Файл-источник Toižetada Allekirjutez
Label in English / Подпись на русском

13

Argus-operacii (angl.: Operation Argus), AÜV:oiden südäitukazegišton i raketoiden kodviden peitol'ne serii (koume kodvad, 27. eloku — 9. sügüz'ku 1958) Atlantižen valdmeren suven päl. Poukahtused oliba tehtud atmosferan päl 170, 310 i 794 kilometrad korktusil kodvimha kaičendad pästtud nevondkundaližid raketoid vaste südäitukpoukahtusiden mahtusel niiden päl, miše mureta elektroništ südänt pordaigaližil radiacižil vöil. Videon hätkeližuz om 35 min 46 s, tegi AEC / USDE, anglijan kelel.

Source file/Файл-источник Toižetada Allekirjutez
Label in English / Подпись на русском

14

Susek-žilon video (serb.: Сусек) Beočin-kundas, avtonomine Vojevodin-agj, Serbijan lodeh. Videon hätkeližuz om 3 min 37 s, 13. uhoku 2014, tegi Petar Milošević-kävutai.

Source file/Файл-источник Toižetada Allekirjutez
Label in English / Подпись на русском

15

Penen Pluton-planetan pindan lähižed nägud. Ned oma tehtud amerikaižen NASA:n New Horizons-kosmosapparatal, konz se lendi läz Plutonad vn 2015 heinkun 14. päiväl. Videon hätkeližuz om 1 min 35 s, 27. semendku 2016, om ottud socialižen YouTube-verkon NASAgovVideo-kanalaspäi, kulundata, tekst om anglijan kelel.

Source file/Файл-источник Toižetada Allekirjutez
Label in English / Подпись на русском

16

AÜV:oiden Jut-štatan pohjoižpäivnouzman edahaižes palas, gil'sonitan kaivuziš (kivibitum, londuseližen asfal'tan toižend), ogibalad haugelmased rebitadas mad i vedadas äjikš mijlikš, süväd i sel'ktatomad (tuhlakod). Videon hätkeližuz om 10 min 43 s, 10. kezaku 2025, om ottud socialižen YouTube-verkon Outer Range-kanalaspäi («Irdpol'ne diapazon»), anglijan kelel.

Source file/Файл-источник Toižetada Allekirjutez
Label in English / Подпись на русском

17

Ajelend avtol manteidme Slovenijan kal't, röunaspäi röunhasai, matkan aigan Italijaspäi Mad'jaranmaha. Videon hätkeližuz om 3 časud 2 min 26 s, vn 2024 keza, om ottud socialižen YouTube-verkon all roads europe-kanalaspäi («kaik evropižed ted»).

Source file/Файл-источник Toižetada Allekirjutez
Label in English / Подпись на русском

18

Žan Epštein-režissöran vn 1924 francine «Mogolan imperijan lev»-bigifil'm (franc.: Le Lion des Mogols) melodraman žanras. Vändiba pärolid Ivan Mozžuhin, Natali Lisenko, Kamil' Bardu. Videon hätkeližuz om 1 čas 43 min 57 s.

Source file/Файл-источник Toižetada Allekirjutez
Label in English / Подпись на русском

19

Pohjoižmakedonine Pero Antič-basketbolvändai (Pero Antić, sünd. 1982) Serbijan KK Crvena zvezda-klubanke jüžmakoks forvardaks vn 2017 redukus. Videon hätkeližuz om 1 min 30 s, tegi Petar Milošević-kävutai.

Source file/Файл-источник Toižetada Allekirjutez
Label in English / Подпись на русском

20

Kodipaskačun (latin.: Passer domesticus) emäč sötab ičeze kaznut poigašt Ročinman Stokhol'm-pälidnas. Videon hätkeližuz om 43 sekundad, 7. eloku 2023, tegi Frankie Fouganthin-kävutai.

Source file/Файл-источник Toižetada Allekirjutez
Label in English / Подпись на русском

21

Nece lühüd openduzvideo sel'gitab süid, mikš Indonezijan rahvahan päzutandan vägimez' i politižen Sarekat Islam-organizacijan Umar Sajid Čokroaminoto-lider, (Raden Haji Oemar Said Tjokroaminoto, eli vll 1882−1934), sai Javan vencaitoman vägimehen arvnimed. Videon hätkeližuz om 1 min 52 s, 2. keväz'ku 2025, tegi Stoodystuff-kävutai.

Source file/Файл-источник Toižetada Allekirjutez
Label in English / Подпись на русском

22

Amerikaižen Apollo 11-kosmoslaivan aigtegod missijan (16.−24. heinku 1969) töhöpästandan päiväl Kudmaižennoks, niiden kesken murgin, C-7-lähtend, konvoi, vauged honuz, sauban sauptand, töhöpästandan lugud i töhöpästand. Missijan ühtnijad saihe Kudmaižen pindhasai ezmäižen kerdan ristitkundan istorijas, oliba sil heinkun 20.−21. päivil, heiden kesken Nil Armstrong. Videon hätkeližuz om 46 min 7 s, 16. heinku 1969, tegi NASA Kennedy Space Center (NASA:n kosmine keskuz Kennedin nimed), om ottud NASA:n kirjištospäi.

Source file/Файл-источник Toižetada Allekirjutez
Label in English / Подпись на русском

23

«Pinnokion ozaitelemižed» (ital.: Pinocchio) om vn 1911 italine mustvauged bigifil'm komedijan i fentezin žanroiš. Režissör Džulio Antamoro (Giulio Antamoro). Se om Karlo Kollodin ühtennimižen kirjan ezmäine ekranizacii. Vändiba rolid: Ferdinand Gijom (vai Polidor — Pinnokio), Natalino Gijom (Lučinjolo), Augusto Mastripjetri (Džeppetto), Lea Džunči (Sinivauvaz fei). Videon hätkeližuz om 5 min 58 s, se om vižkümneminutižen fil'man fragmentaks.

Source file/Файл-источник Toižetada Allekirjutez
Label in English / Подпись на русском

24

Fort Asperen-lidnuz (vai alam.: Fort bij Asperen «lidnuz läz Asprenad») Alamaiden Gelderland-agjas, nägud dronaspäi. Sen päpala om saudud vl 1846. Lidnuz mülüb UNESCO:n Mail'man jäl'gushe. Videon hätkeližuz om 1 min 29 s, 1. semendku 2016, tegi Wdejager-kävutai.

Source file/Файл-источник Toižetada Allekirjutez
Label in English / Подпись на русском

25

Amazonasan avarod da tihedad nepsad tropižed mecad heittas hil'muiktuzgazad il'mespäi effektivižikš eriližešti, ottas kävutamižhe hil'nikad kazvandan täht i čutas hapanikad. Mecoiden heitamine vedab klimatan toižetamižen teravannoks lujendusennoks. Videon hätkeližuz om 1 min 1 s, 14. uhoku 2022, tegi Saksanman ZDF-kanal Terra X-teleoigendusen täht, saksan kelel.

Source file/Файл-источник Toižetada Allekirjutez
Label in English / Подпись на русском

26

Canoemobile 2016-školaigtegon vitkotud kuvaduz Kosumnes-jogen londuseližes kel'dtahos (angl.: Cosumnes River Preserve läz 200 km² pindal), koumekümne kilometrad suvhe Sakramentospäi, Kalifornii-štat, Amerikan Ühtenzoittud Valdkundad. Videon hätkeližuz om 29 sekundad, 2. semendku 2016, tegi blmcalifornia-joukun Samantha Storms-kävutai.

Source file/Файл-источник Toižetada Allekirjutez
Label in English / Подпись на русском

27

Fail:Bike trip from Italy to Slovenia - Episode 10, Skocjan Cave, Postojna Cave and Predjama Castle.webm

Velomatk Italijaspäi Slovenijha, 10. pala: Škocjan-makarad, Postoinan makar (Postojnska jama) i Predjaman lidnuz (Predjamski grad). Videon hätkeližuz om 11 min 26 sekundad, 1. sulaku 2018, om ottud socialižen YouTube-verkon Monday Feelings-kanalaspäi.

Source file/Файл-источник Toižetada Allekirjutez
Label in English / Подпись на русском

28

«Koume erad» (angl.: Three Ages) om vn 1923 amerikaine mustvauged bigifil'm komedijan žanras. Režissörad Baster Kiton (Buster Keaton, hän-žo vändi prihan pärolid) i Edvard Klain (Edward F. Cline). Ozutadas kosketusid mužikan i naižen keskes koumes eras: istorijanedeline aig, Amuine Rim i nügüd'aig. Videon hätkeližuz om üks' čas nell' minutad.

Source file/Файл-источник Toižetada Allekirjutez
Label in English / Подпись на русском

29

Palahižen päiväižen pimitesen nägud vn 2025 29. päiväl keväz'kud Brastad-žilonno, Lüsečil'-lidnan kund Ročinman suvipäivlaskmaižen randpolel, kompiläcii 44 fotospäi. Ezmäine fotokuva om tehtud 11:54:41 sijaližen aigan mödhe, jäl'gmäine 13:00:49. Videon hätkeližuz om 9,2 sekundad.

Source file/Файл-источник Toižetada Allekirjutez
Label in English / Подпись на русском

30

Morfo menelai-lipkaižen (latin.: Morpho menelaus) Nymphalidae-sugukundaspäi video, kudambal sen suugiden nägu om suretud submikroskopižhe masštabhasai, Lourensan tedozalan änetusenke (se om kundaline tedokeskuz San Franciskon Berkli-ezilidnas, Kalifornii-štat, AÜV). Videon hätkeližuz om 3 min 4 s, 6. sügüz'ku 2011, om ottud socialižen YouTube-verkon The Lawrence Hall of Science-kanalaspäi, anglijan kelel.

Source file/Файл-источник Toižetada Allekirjutez
Label in English / Подпись на русском

31

Anglijankel'žen Vikipedijan Sun-kirjutusen («Päiväine») suline versii. Audion hätkeližuz om üks' čas 28 min 35 s, 7. kezaku 2021, tegi Thrownfootfalls-kävutai, šotlandijan paginal.

Source file/Файл-источник Toižetada Allekirjutez
Label in English / Подпись на русском