Šablon:Motd/2026-04

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30

01

Kofe-joman vaumičendan video levitadud plastmassatoman Moka-kofeinikan abul. Videon hätkeližuz om 5 min 1 sekund, 30. keväz'ku 2025, om ottud socialižen YouTube-verkon Shokuiku Cuisine-kanalaspäi, neitraline kelen mödhe.

Source file/Файл-источник Toižetada Allekirjutez
Label in English / Подпись на русском

02

«Äimetoižen azegen varmed kävutand lehmäl»-tedoidusen videoreportaž (angl.: "Flexible use of a multi-purpose tool by a cow"). Lehm Veronika-närituznimenke Avstrijaspäi om ozutadud. Videon hätkeližuz om 3 min 33 s, 19. viluku 2026, tegiba Antonio J. Osuna-Mascaró i Alice M. I. Auersperg, anglijan kelel.

Source file/Файл-источник Toižetada Allekirjutez
Label in English / Подпись на русском

03

Cyklepedia om sätud japonižen Open Reel Ensemble-muzikgruppal edestuz Vikipedijan 25-voččele jubilejale, kontent oti Anglijankelišt Vikipedijad aluseks. Videon hätkeližuz om 5 min 4 s, 15. viluku 2026, anglijan kelel, ratud intellektal generiruidud änenke.

Source file/Файл-источник Toižetada Allekirjutez
Label in English / Подпись на русском

04

PetScan-azegen kävutandan openduzvideo sädamha nimikirjutesid Vikipedijaspäi da Vikiandmusišpäi. Videon hätkeližuz om 20 min 25 s, 20. semendku 2025, tegi DrThneed-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском

05

Il'man redustand om todesine ekologine problem, se kucub surmid edel aigad i valatoitab ekosistemid pahoin. Nece video sel'gitab, kut il'man redustand tegese, mitte rol' om meteorologižil processoil i holitišil, kudambid Mail'man meteorologijan organizacii (angl.: World Meteorological Organization, lüh. WMO, necen videon tegii) edestab täutmaha ičeze velgusid. Videon hätkeližuz om 2 min 5 s, 5. kezaku 2019, anglijan kelel, om videon variantoid tekstanke ispanijan i francijan kelil.

Source file/Файл-источник Toižetada Allekirjutez
Label in English / Подпись на русском

06

Vn 1938 lühüdpiduzline tundištai «Ottav, Kanadan pälidn»-fil'm (angl.: Ottawa, Canada's Capital City (1938)). Videon hätkeližuz om 9 min 20 s, anglijan kelel, tegi Kanadan fil'miden valdkundaline büro (Canadian Government Motion Picture Bureau).

Source file/Файл-источник Toižetada Allekirjutez
Label in English / Подпись на русском

07

Video harjoituzkompleksas avoinudel territorijal, Adelaid, Avstralii. Süzanna Adelaidan vezikeskusespäi andab rekomendacijoid kävutamha sidä kompleksad fitnesan täht. Mitte teiden navettüd puišt harjoitusiden täht om? Maksutoi kaluišt irdal om hüväks mahtoks likkumha teiden hibjal! Videon hätkeližuz om 3 min 5 s, 26. semendku 2023, om ottud socialižen YouTube-verkon City of Adelaide-kanalaspäi, anglijan kelel.

Source file/Файл-источник Toižetada Allekirjutez
Label in English / Подпись на русском

08

Ezh3/Em508T-serijan jonuz Moskvan metropolitenas Tagansko-Krasnopresnenskaja-jonon «Lermontovskii Prospekt — Vihino»-keskustan tonneliš, Venälaine Federacii. Mez' ličihe metroho diggeran kartte. Vn 2018 videon hätkeližuz om 1 min 37 s, om ottud socialižen YouTube-verkon Анриал Путешествия-kanalaspäi («Realitomad matkad»).

Source file/Файл-источник Toižetada Allekirjutez
Label in English / Подпись на русском

09

MediaWiki 3D viewer-programan ozutai video triceratops-dinozavran 3D-modelinke. Se mujukahan da teskturiruidud 3D-nägun funkcii ei olend ližatud völ Vikipedijha i Vikiaitha, no om küzudud täs, tehtud ičetahtnikoil MediaWiki:n «3D»-ližaprogram avoinudenke augotižkodanke om edestadud. Videon hätkeližuz om 22 sekundad, 9. sulaku 2025, tegi GabrielLucas-kävutai.

Source file/Файл-источник Toižetada Allekirjutez
Label in English / Подпись на русском

10

Psilopogon asiaticus-lind Tikanvuiččed-heimkundaspäi tautab reigud pus pezha näht Rabindra Sarobar-puištos ühtennimiženke järvenke Kolkatan suves, Päivlaskmaine Bengalii-štat, Indii. Videon hätkeližuz om 18 sekundad, 16. keväz'ku 2025, tegi Tisha Mukherjee-kävutai.

Source file/Файл-источник Toižetada Allekirjutez
Label in English / Подпись на русском

11

Peniden objektoiden löudmine om objektoiden löudmižen palah'ne statj, sen aigan kävutadas erazvuiččid mahtusid löudamha niid digitaližil kuviš i videoiš. «Pened objektad» ottas pened pindad pikseliš tulijal kuval. Parahimad metodad kävutasoiš aerofotokuvil. Neciš videos dronaspäi likkuimiden kaclendan ozutez om edestadud, Ahmedabad, Gudžarat-štat, Indii. Videon hätkeližuz om 14 sekundad, 13. sügüz'ku 2022, tegi Yagnik B-kävutai.

Source file/Файл-источник Toižetada Allekirjutez
Label in English / Подпись на русском

12

Pohjoižamerikaine lihansöi veneran kärbhaižensöi-kazmuz (latin.: Dionaea muscipula) tabadab ičeze sališt. Nece vitkotud kuvaduz ozutab realižen aigan üht časud. Videon hätkeližuz om 1 min 28 s, 7. heinku 2011, om ottud socialižen YouTube-verkon LearjetMinako-kanalaspäi.

Source file/Файл-источник Toižetada Allekirjutez
Label in English / Подпись на русском

13

Kosmosstancii (angl.: Space station) eläbalaz: kaclem, kut astronavtad jokstas kosmosas. Jose joksem kosmosas toižin mi Mal? Vastuz voib čududelda teid. Amerikaižen NASA:n Lori Meggs-radnik kundaližiš kosketusiš lodaidab Džon Devitt-astronavtanke (John DeWitt), kudamb oli joksendtehuden kinematikan kodvan pätedoidajaks RKS:an laidal. Se oli joksendan kosmosas ezmäine tarkoiged tedoiduz, laski arvostada harjoitusiden joksendtehudel biomehanikad kvantitativižikš hätkeližen kosmoslendusen aigan. Kackat Space station-oigendusen täut transläcijad oiktas efiras muupäividme NASA TV-kanalal kümne časud homendcel AÜV:oiden päivnouzmaižen aigan mödhe. Videon hätkeližuz om viž minutad, 26. sulaku 2016, tegi NASA.

Source file/Файл-источник Toižetada Allekirjutez
Label in English / Подпись на русском

14

Vauktan Pertin operativižiden ištundoiden honuz (angl.: White House Situation Room) om konferenczal i tedištelendan andmusiden ohjandusen keskuz, sijadase Päivlaskmaižen suugan karzn'as. Se om AÜV:oiden üks' kaikiš enamba peittud da kaitud honusišpäi, eksklüzivine ümbrikacund Barak Obaman administracijan aigan. Videon hätkeližuz om 4 min 48 s, 18. tal'vku 2009, om ottud socialižen YouTube-verkon The White House-kanalaspäi.

Source file/Файл-источник Toižetada Allekirjutez
Label in English / Подпись на русском

15

Lebuaig: kävelend mecadme i slokostind irdal Slovenijas. Videon hätkeližuz om üks' čas 14 min 23 s, 23. sügüz'ku 2022, om ottud socialižen YouTube-verkospäi, tegi Snicel 69-kävutai.

Source file/Файл-источник Toižetada Allekirjutez
Label in English / Подпись на русском

16

Konjugacii (suguprocess) paramecijoil (infuzorijoil, latin.: Paramecium), tehtud mikroskopan al video. Suguprocess infuzorijoil tegese südäitukmaterialan vajehtusel stajiden kosketusen aigan «silduden» kal't. Videon hätkeližuz om 1 min 38 s, 1. heinku 2012, tegi Antonio Guillén-kävutai Micromundo (Microworld)-ozutelendan täht Argentinan pohjoižes.

Source file/Файл-источник Toižetada Allekirjutez
Label in English / Подпись на русском

17

Ezikuvas nägub kapillärid, kudambad sätas kirjad mezjäižiden pezan kartte kriptoiden reiguiden al. Kriptad oma soliden rauguiden torvenvuiččed süvendused epitelijas. Kaks'märaine mikrofotokuva oli ližatud 3D-projekcijha ozutamha sidod mikrosoniden i kriptoiden keskes. Videon hätkeližuz om kümne sekundad, om ottud vn 2013 avoinudes 3-D Visualization and Quantitation of Microvessels in Transparent Human Colorectal Carcinoma-kirjutusespäi («Veren mikrosoniden 3D-vizualizacii i kvantitativine analiz ristitun läbinägujan kolorektaližen karcinoman statjas»), tegiba sidä: Liu Y, Pan S, Hou Y, Shen M, Peng S, Tang S, Chung Y.

Source file/Файл-источник Toižetada Allekirjutez
Label in English / Подпись на русском

18

Nece sel'gitai video rahvahidenkeskeižes Evropine suvine observatorii-organizacijaspäi (European Southern Observatory, ESO) starinoičese tarkkohtiš peniden teleskopoiden udes toižendas, kudamb radaškanzi ei amu Paranal-observatorijas Čilin pohjoižes. Videon hätkeližuz om 5 min 9 s, 14. viluku 2015, anglijan kelel.

Source file/Файл-источник Toižetada Allekirjutez
Label in English / Подпись на русском

19

Spring Court-restoran («Keväz'line tanaz») radaškanzi vl 1929 i oigenzi 90-vottušt sündundpäiväd, tegihe kaikiš amuižembaks kanzaližeks kitain restoranas, Singapur. Videon hätkeližuz om 6 min 11 s, 5. tal'vku 2019, om ottud socialižes YouTube-verkospäi, tegiba Nathaniel Lim i Thaddeus Loh-kävutajad, kitajan kelel subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

20

Džordže Enesku — «Kantabile i presto». Aleks Mürrei (Alex Murray, soitoine) i Marta Gol'dštein (Martha Goldstein, fortepjano) edestadas Parižan konservatorijas neniden muzikankirjutajiden sädusiden fragmentoid: Enesku, Gober, Taffanel', Šaminad i Fore. Audion hätkeližuz om 5 min 42 s, om ottud Al Goldstein-kogodusespäi Pandora Music-saital.

Source file/Файл-источник Toižetada Allekirjutez
Label in English / Подпись на русском

21

Singapuran päivnouzmaižen Tampines-rajonan vitkotud kuvaduz lebupäividen ühtes päiveses Earth Hour 2016-aigtegon aigan («Man čas 2016»). Videon hätkeližuz om 1 min 9 s, 27. keväz'ku 2016, tegi vicsonhuang-kävutai.

Source file/Файл-источник Toižetada Allekirjutez
Label in English / Подпись на русском

22

Melitaea diamina-lipkaižen video Nimfalidad-sugukundaspäi, Slovenii. Videon hätkeližuz om 52 sekundad, 28. eloku 2022, om ottud socialižes YouTube-verkospäi, tegi NaIzletuSi-kävutai.

Source file/Файл-источник Toižetada Allekirjutez
Label in English / Подпись на русском

23

STS-125 Atlantis-missijan äikerdaižen kosmoslaivan ištutand i kärauduz NASA:n lenduztedoidusiden keskuses Draidenan nimed (vspäi 2014 — Armstrongan nimed) vn 2009 semendkun 24. päiväl, Edvards-il'mbaz, Kern-ümbrik, Kalifornii-štatan suvipala, Amerikan Ühtenzoittud Valdkundad. Kaks'toštkümnepäiväline missii oli pühätadud Habbl-teleskopan videndele holitusele. Videon hätkeližuz om 38 min 54 s, tegi NASA.

Source file/Файл-источник Toižetada Allekirjutez
Label in English / Подпись на русском

24

Nece lühüd video andab kümne süd publikoičendan täht Open Access-ližaprograman abul. Anglijankel'ne versii om sätud vll 2025/26 vn 2021 saksankel'žen videon alusel (TIB, Technische Informationsbibliothek — Tehnižen informacijan kirjišt). Videon hätkeližuz om 4 min 35 s, tegiba Helene Strauß i Carolin Becklas Dorow.

Source file/Файл-источник Toižetada Allekirjutez
Label in English / Подпись на русском

25

AÜV:oiden Donal'd Tramp-prezident tob valannoks Pamela Bondi-politikanmest valdkundan päižeks prokuroraks, 6. uhoku 2025. Ühten voden jäl'ghe Pem Bondi putui uzištusihe ičeze erazvuiččen reakcijan tagut Epšteinan failoiden publikoičendha. Videon hätkeližuz om 8 min 29 s, tegi The White House, anglijan kelen amerikaižel variantal.

Source file/Файл-источник Toižetada Allekirjutez
Label in English / Подпись на русском

26

Neciš videos lähižen NGC 7293-sumegusen (vai «Spiral'», «Edenoi», 650 vauktuzvodes meišpäi) kuvad oma rindatadud amerikaižen NASA:n koumes observatorijaspäi: Habblan kuva nägujas vauktuses, Spitceran infrarusked nägu, i kuva Džeims Uebb-teleskopaspäi lähižes infrarusttas diapazonas korktanke tarkoiktusenke. Videon hätkeližuz om 14 sekundad, tegi NASA's Scientific Visualization Studio — Global Science and Technology, Inc./Mark Malanoski vn 2026 augotišes.

Source file/Файл-источник Toižetada Allekirjutez
Label in English / Подпись на русском

27

Matk kül'bendrandadme Adriatižen merenno Piran-lidnudes amuiženke istorijanke, Slovenijan suvipäivlaskmaine čoga. Videon hätkeližuz om 9 min 13 s, 13. eloku 2025, om ottud socialižes YouTube-verkospäi, tegi Snicel 69-kävutai.

Source file/Файл-источник Toižetada Allekirjutez
Label in English / Подпись на русском

28

Geert Bevin-muzikant, muzikankirjutai da programist vändab ičeze There Will Be Violence-sädust («Sigäna linneb otand vägel») elektronižel stik-soitol (se-žo Čapmanan stik). Videon hätkeližuz om 4 min 14 s, 18. viluku 2018, tegi Geert Bevin, om ottud socialižes YouTube-verkospäi.

Source file/Файл-источник Toižetada Allekirjutez
Label in English / Подпись на русском

29

Openduzvideo Vikimedijan Quarry tool-azegele («Azeg küzundoiden täht», quarry.wmcloud.org). Voib kävutada sidä Vikimedijan mugomiš projektoiš kut Vikipedii, i erazvuiččiden metoiden täht: problematižiden lehtpoliden löudmine, tegendoiden, satusenladindoiden da statistikan nimikirjutesiden sädamine, i tž.). Nece video om Small wiki toolkits-iniciativan pala (meta.wikimedia.org) i abutab säta azegiden hodroid peniden vikipedijoiden täht. Videon hätkeližuz om 1 min 28 s, 28. viluku 2022, tegi AlexandraShagzhina-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском

30

Dokumentaline video induizman sijaližes Theijam-verokargus (angl.: Theyyam), om ozutadud Keral-štatan Pohjoine Malabar-regionas, Indijan suvi. Se om edestadud Wikimania 2022-aigtegon ramuziš. Videon hätkeližuz om 4 min 22 s, 11. eloku 2022, tegi Indartica-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском