Šablon:Motd/2026-06

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30

01

Pordaigaližen (7.-10. semendku vl 2026) Belflorissimo-äniktorgusen üläihastuseline avaiduz Bel'for-lidnas, Francijan päivnouzm, 9. semendku 2026. Videon hätkeližuz om 7 min 55 sekundad, tegi Thomas Bresson-kävutai.

Source file/Файл-источник Toižetada Allekirjutez
Label in English / Подпись на русском

02

Konz sinä tegid koprad järghižen kerdan? Ala virita tohust viril, no tege todesišt pažagad auguspäi. Tuhad vozid tagaz ristitud tegiba jo lämoid. Endrü Sorensen-arheolog (Andrew Sorensen) Leidenan universitetaspäi, Alamad, sel'gitab, konz i kut hö tegiba sidä. Videon hätkeližuz om 14 min 24 sekundad, 17. semendku 2021, tegi Universiteit van Nederland-aluzkund (Alamaiden universitet), anglijan kelel.

Source file/Файл-источник Toižetada Allekirjutez
Label in English / Подпись на русском

03

ManifestationFrexit-aigtego Francijan lähtendan poles Evropan Ühtištusespäi Pariž-pälidnas, 6. sügüz'ku 2025. Se mäni Emmanuel' Makron-prezidentan i Fransua Bairu-päministran (jäl'gmäine läksi erindha koumes päiväs sen jäl'ghe) politikad vaste, oli organizuidud «Patriotad»-partijan (franc.: Les Patriotes) iniciatival Florian Filippo-politikanmehen ohjandusen al. Videon hätkeližuz om 1 min 41 sekundad, tegi Thomas Bresson-kävutai.

Source file/Файл-источник Toižetada Allekirjutez
Label in English / Подпись на русском

04

Gavedid (evropalaižed mezjäižed päpaloin) mujadas met, Francii, 17. heinku 2025. Videon hätkeližuz om 42 sekundad, tegi Thomas Bresson-kävutai.

Source file/Файл-источник Toižetada Allekirjutez
Label in English / Подпись на русском

05

Äižiruižiden eländpertiden panend mantazole kontroliruidud poukahtusel Glazgo-lidnan Uindford-rajonas (Wyndford), koumes kilometras lodeheze lidnan keskuzpalaspäi, Šotlandii, Sur' Britanii, 23. keväz'ku 2025. Se oli saudud barakoiden sijas municipaline socialine pertišt, roimahtadihe modernizacijan voimusen olmatomiden tagut. Planiruidas sauda niiden sijas 360 pertid kanzoiden täht i kundaližid objektoid. Videon hätkeližuz om kaks'kümne sekundad, tegi Ian Dick-kävutai.

Source file/Файл-источник Toižetada Allekirjutez
Label in English / Подпись на русском

06

Medenkandajan mezjäižen (latin.: Apis mellifera) lendusen pigustadud nell'kümnehe kerdha kuvaduz. Videon hätkeližuz om kaks'kümne sekundad, 3. viluku 2021, tegi Phonon.b-kävutai.

Source file/Файл-источник Toižetada Allekirjutez
Label in English / Подпись на русском

07

Nerobergbahn (438 metrad pitte) Visbaden-lidnas, Gessen-federacijanma, Saksanma. 1. pala: Veziballastan lähtend vagonan edeližen laskendan jäl'ghe. 2. pala: Ajelend alastancijaspäi ülästancijannoks seižutesenke ümbärpeitläl. Videon hätkeližuz om 5 min 18 s, 8. semendku 2026, tegi Raimond Spekking-kävutai.

Source file/Файл-источник Toižetada Allekirjutez
Label in English / Подпись на русском

08

Trek nomer 16 Explore («Tedoida») Petscop-vebserialan saundtrekaspäi. Videon hätkeližuz om 3 min 52 s, 27. kül'mku 2019, tegi Tony Domenico kut «Rainer», kudamb mainitase serialas kompjutervändon muzikankirjutajaks.

Source file/Файл-источник Toižetada Allekirjutez
Label in English / Подпись на русском

09

Betel'pähkim (se-žo arekpähkim) om betel'pal'man semen. Käroutud betel'lehteshe i segoitadud mouckivenke, se om levitadud Suviazijas psihostimulätoraks, mail'man nellänz' kävutandan mödhe kofeinan, nikotinan i alkogolin jäl'ghe. Semnen puhtastand korespäi om process, kudamban aigan kor' heitase käziinstrumentan abul. Videon hätkeližuz om 13 sekundad, 15. sulaku 2024, tegi KEmel49-kävutai.

Source file/Файл-источник Toižetada Allekirjutez
Label in English / Подпись на русском

10

Levitadud Azijas sur' kalakotk-lind (latin.: Icthyophaga ichthyaetus) rahvahaližes Kazirang-puištos (angl.: Kaziranga National Park 1090 km² pindal, alusenpandud vl 1905), Assam-štatan keskuzpalan pohjoine, Indii, 20. keväz'ku 2025. Videon hätkeližuz om 12 sekundad, tegi Tiša Mukerdži-kävutai (Tisha Mukherjee).

Source file/Файл-источник Toižetada Allekirjutez
Label in English / Подпись на русском

11

Xbox-vändplatforman Minecraft-kompjutervändon udištamižen treiler (edenendan rolik). Ajelkat verblüdan rachal i udištagat ičeze somust. Kormakat vändod zavodimha väta. Videon hätkeližuz om 1 min 57 sekundad, om ottud socialižen YouTube-verkon Xbox MENA-kanalaspäi vl 2023.

Source file/Файл-источник Toižetada Allekirjutez
Label in English / Подпись на русском

12

Ondel-ondel-aigtego irdal Džakartan keskuzpalas, Indonezii. «Ondel-ondel» om betavi-paran tätüižmask bambukaspäi. Videon hätkeližuz om 3 min 45 sekundad, 18. sügüz'ku 2011, om ottud socialižes YouTube-verkospäi, tegi gunjakarta-kävutai.

Source file/Файл-источник Toižetada Allekirjutez
Label in English / Подпись на русском

13

Ganyang Fufufafa-pajo, Habib Rizik Šihab (Habib Rizieq Shihab) kirjuti sidä vn 2024 sügüz'kus, Indonezii. Pajo oli edestadud ezmäižen kerdan Maulid:an praznuičendan aigan. Se mülütab kritikad valitud kandidataks varaprezidentoihe Gibran Rakabuming Raka-mehen polehe, kudamban ezimeletadud digitaline olend socialižiš verkoiš Fufufafa-nimen al, nenalöudandan virkehed, koirustused da kirondad naižid i islamad vaste kucuiba ümbripagižmižid da ridoid. Videon hätkeližuz om 2 min 31 s, 19. sügüz'ku 2024, tegi Muhammad Rizieq Shihab-kävutai, imam da aktivist.

Source file/Файл-источник Toižetada Allekirjutez
Label in English / Подпись на русском

14

Sur' valdoiden hartii (Magna Carta) om sätud 13. voz'sadan Anglijas. Mikš se oli sätud da midä znamoiči sädandan aigan? Se vanhan pergamentan pallišk lugese meiden oiktusiden da joudjuziden vägevaks simvolaks tähäsai. Nece mul'tfil'm tob sindai Keskaigaha, anglijalaižen Paha Džon-kunigahan tobmuden alle. Starinoičeb Terri Džons Monty Python-sädusespäi. Videon hätkeližuz om 3 min 33 sekundad, 10. keväz'ku 2015, om ottud socialižes YouTube-verkospäi, tegi The British Library («Britanine kirjišt»).

Source file/Файл-источник Toižetada Allekirjutez
Label in English / Подпись на русском

15

Kaks' tullei elektrostancijad Alaavstrii-federacijanmas, Avstrii: Tattendorf i Pottendorf, kameran likundan mödhe huralpäi oiktale. Tämbäi (15. kezaku) Mail'man tullein päiv oigendase (angl.: Global Wind Day), se om pühätadud tullein energetikale, vajehtuz tedoil tegese mašinoiden vägevuden da voimusiden polhe. Videon hätkeližuz om 33 sekundad, 24. sulaku 2026, tegi D-Kuru-kävutai.

Source file/Файл-источник Toižetada Allekirjutez
Label in English / Подпись на русском

16

Kamrupi Lokgeet om rahvahanmuzikan veroline form Indijan Assam-štatan Kamrup-regionaspäi. Sündnuded külätahoiže pol'vhiden rahvahanpajod oma ekspressijal täuded, starinoitas igähižiš koveritomiš azjoiš da mujandoiš. Kävutadas soitoid: tukari, bahi (soitoine), dotara i behala. Edestiba Khanindra Deka i Bhagaban Deka. Videon hätkeližuz om 3 min 15 s, 4. kül'mku 2025, tegi Kamal Das-kävutai.

Source file/Файл-источник Toižetada Allekirjutez
Label in English / Подпись на русском

17

Nerobergbahn (438 metrad pitte) Visbaden-lidnas, Gessen-federacijanma, Saksanma. 1. pala: Veziballastan lähtend vagonan edeližen laskendan jäl'ghe. 2. pala: Ajelend alastancijaspäi ülästancijannoks seižutesenke ümbärpeitläl. Videon hätkeližuz om 5 min 18 s, 8. semendku 2026, tegi Raimond Spekking-kävutai.

Source file/Файл-источник Toižetada Allekirjutez
Label in English / Подпись на русском

18

Päzundan Internet-verkho Starlink-gruppiruindan kaimdajiden vitkotud kuvaduz öližes taivhas Šveicarijan Čuggen-mägiden päl, nägu mägisuksiden Mürren-kurortaspäi Bern-kantonas. Videon hätkeližuz om 12 sekundad, 8. semendku 2021, tegi Giles Laurent-kävutai.

Source file/Файл-источник Toižetada Allekirjutez
Label in English / Подпись на русском

19

Hüväsuguižen pedran mecižač (latin.: Cervus elaphus) kodvib, om-ik vaumiž emäč äikerdoičendan aktale vai ei londuseližes «Alečun mec»-kel'dtahos (saks.: Aletschwald 400 ga pindal), Šveicarijan Vale-kanton. Ižač om emäčuiden joukun päižeks, hän linneb kacelta eričuid tarkašti, sikš miše konkretine emäč voib kätas plodukahan 24 časud vodes vaiše. Videon hätkeližuz om 19 sekundad, 24. sügüz'ku 2023, tegi Giles Laurent-kävutai.

Source file/Файл-источник Toižetada Allekirjutez
Label in English / Подпись на русском

20

Levitadud Pohjoižamerikas Ruskedsuugikahan trupialan ižač (latin.: Agelaius phoeniceus) kirgoub takaižennopäi Nacionaližes mecelon kel'dtahos Džon Haincan nimed (angl.: John Heinz National Wildlife Refuge), Filadel'fii, Pensil'vanii-štat, Amerikan Ühtenzoittud Valdkundad. Videon hätkeližuz om 38 sekundad, 19. semendku 2026, tegi Chuck Homler / FocusOnWildlife.Me.

Source file/Файл-источник Toižetada Allekirjutez
Label in English / Подпись на русском

21

Tüleniden lühüdaigaline kaclend londuses dronan abul Rauðisandur-kül'bendrandal, Islandijan lodehline Vestfirdir-region-pol'sar'. Pilotatoi ladim lendi varuitomal keskustal, digitaline 1,5x zum oli kävutadud kaclemha živatoid jätten tünäs. Videon hätkeližuz om 30 sekundad, 5. eloku 2023, tegi Giles Laurent-kävutai.

Source file/Файл-источник Toižetada Allekirjutez
Label in English / Подпись на русском

22

Aylostera heliosa-erikon kaktusan subsp. condorensis (syn. Rebutia heliosa condorensis) änikoičendan vitkotud kuvaduz. Videon hätkeližuz om 30 sekundad, 31. semendku 2026 vai sen aigemba, tegi PetrVod-kävutai.

Source file/Файл-источник Toižetada Allekirjutez
Label in English / Подпись на русском

23

Fagradal'sfjadl'-lämoimägen lavanheitand ühtennimižel mägisistemal läz Litli-Hrutur-mägenpäd (10. heinku — 5. eloku 2023), Südürnes-agj suvipäivlaskmha Reikjavikaspäi, Islandii. Se oli fil'mdud lähižes keskustaspäi dronan abul, ende ei voind kacelta azjtegod mugoižes keskustaspäi varuitomašti. Lavan lämuz poleneb teravas, i sen pakuine muju vajehtase ruskedpakuižeks, rusttaks, koričmaks i lopuks mustaks. Videon hätkeližuz om 24 sekundad, 26. heinku 2023, tegi Giles Laurent-kävutai.

Source file/Файл-источник Toižetada Allekirjutez
Label in English / Подпись на русском

24

Mägigorill (latin.: Gorilla beringei beringei) sötlese rahvahaližes läbipäzmatomas Bvindi-puištos (angl.: Bwindi Impenetrable National Park 331 km² pindal), Ugandan suvipäivlaskmaine čoga Kongon Demokratižen Tazovaldkundan röunanno. Videon hätkeližuz om 14 sekundad, 18. tal'vku 2022, tegi Giles Laurent-kävutai.

Source file/Файл-источник Toižetada Allekirjutez
Label in English / Подпись на русском

25

Levan kargun edestuz 61. Džumangoku-festivalin aigan Kag-lidnas, Isikavan prefektur, Japonijan keskuzpalan lodeh. Se karg om veroline Azijan maiš, tošttas levan likundoid živatan kostümas tomha satust i ümbärdamha pahut. Videon hätkeližuz om 3 min 21 s, 9. sügüz'ku 2023, tegi 大黒敬一郎-kävutai (Kejitiro Daikoku).

Source file/Файл-источник Toižetada Allekirjutez
Label in English / Подпись на русском

26

Levitadud Afrikas järgeline bül'bül' (vai bardakaz todesine bül'bül', latin.: Pycnonotus barbatus, subsp. tricolor) Pasklindunvuiččed-heimkundaspäi sötlese rahvahaližes läbipäzmatomas Bvindi-puištos (angl.: Bwindi Impenetrable National Park 331 km² pindal), Ugandan suvipäivlaskmaine čoga Kongon Demokratižen Tazovaldkundan röunanno. Videon hätkeližuz om 16 sekundad, 18. tal'vku 2022, tegi Giles Laurent-kävutai.

Source file/Файл-источник Toižetada Allekirjutez
Label in English / Подпись на русском

27

Häckakragadansen («Karg sidodud sebanke»), tegiba Per Olsson (Pehr Olsson), Kväslöv. Edesti Karl-Erik Berndt (Carl-Erik Berndt) Lund-lidnas vl 1967, Ročinma. Soit: träskofiol (violine puižes bašmakaspäi). Purde: Ročinman edestuzčomamahton agentuz, Keskuz ročin folkmuzikan da džazan tedoidusiš (roč.: Musikverket, Svenskt visarkiv), om ottud vn 2023 tal'vkus. Audion hätkeližuz om 1 min 37 s, om kormatud arhivaspäi avtomatižikš.

Source file/Файл-источник Toižetada Allekirjutez
Label in English / Подпись на русском

28

Levitadud valdkundas järgeline jehidn (vai lühüdnökuine, vai avstralijalaine, latin.: Tachyglossus aculeatus, üks'jäine eläb erik heimos) Sidnein suburbijan tagatanhal, Uz' Suviuel's-štat, Avstralii. Videon hätkeližuz om 58 sekundad, 28. keväz'ku 2016, tegi Crētus-kävutai.

Source file/Файл-источник Toižetada Allekirjutez
Label in English / Подпись на русском

29

Rahvahaline Kjölens bit («Kjölensan bit»). Edesti Sigurd Jansson Uppsalan Smedbü- i Tobo-ezilidnoiš vl 1962, Ročinma. Soit: violine hobedakahanke koskmenke nikel'harpan toižendan. Purde: Ročinman edestuzčomamahton agentuz, Keskuz ročin folkmuzikan da džazan tedoidusiš (roč.: Musikverket, Svenskt visarkiv), om ottud vn 2022 kül'mkus. Audion hätkeližuz om 1 min 8 s.

Source file/Файл-источник Toižetada Allekirjutez
Label in English / Подпись на русском

30

Ristitun päaivoiden animacii kargun temas. Kargud ottas radho päaivoiden äjid sijid ühtenaigašti, ka ned oma hüväks harjoituseks melen täht. Voib sanuda, miše kargud kätas teid melevambaks. Videon hätkeližuz om 45 sekundad, 4. sügüz'ku 2023, Saksanman ZDF-kanalan Terra X-teleoigendusen fragment, saksan kelel.

Source file/Файл-источник Toižetada Allekirjutez
Label in English / Подпись на русском