Mine sisu juurde

Šablon:Motd/2026-08

Vikipedii-späi

2027: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2026: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2025: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2024: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2023: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2022: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2021: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2020: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2019: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

«Toiv taivhanröunal»-video. Murendajad naižsuguorganoid operacijad tegesoiš süiden mödhe medicinan irdpolel. Mirun läz 200 millionad naižid i neiččid koumekümnes valdkundas oliba alištunuded niiden operacijoiden formale, sen aigan Somalilendas niiden leviganduz om kaikiš surembišpäi: 98 % 15..49 vot igänke. Rahvahidenkeskeižen IPPF-organizacijan (angl.: International Planned Parenthood Federation, Rahvahidenkeskeine planiruidud kazvatandan federacii) ühtnii Somalilendas — SOFHA (Somalilendan kanzaližen tervhuden organizacii) tegeb kingitadud radod sijaližes ühthižkundas vajehtamha veroližid melid, miše loptä murendajid operacijoid. Niiden pidand vajehtase vitkos, no rattemata. Videon hätkeližuz om 5 min 27 s, 14. semendku 2018, anglijan kelel, om ottud Vimeo-videohostingaspäi, tegi rahvahidenkeskeine IPPF-organizacii.

Source file/Файл-источник Toižetada Allekirjutez
Label in English / Подпись на русском

«Čudokaz kitänd»-kompozicii (angl.: Amazing Grace), edesti AÜV:oiden merijaugvägiden orkestr ičese 2016 National Tour-aigtegon ramuziš, pajati artillerijan Sara Šeffild-seržant (Sara Sheffield) meccosoprano-änel. Džordžijan universitetan päsijadusen Edestuzčomamahton keskuz, Atens-lidn, Džordžii-štat, Amerikan Ühtenzoittud Valdkundad, 26. reduku 2016. Audion hätkeližuz om 3 min 54 sekundad, om ottud socialižes YouTube-verkospäi.

Source file/Файл-источник Toižetada Allekirjutez
Label in English / Подпись на русском

Sobatan eht ratud Pfaffentaih-järvudenno (uitonno 12 ga pindanke, saks.: Pfaffenteich «papin uit») Meklenburg da Ezine Pomeranii-federacijanman administrativižes Šverin-keskuses, Saksanma, 18. sulaku 2026, 17:37. Videon hätkeližuz om 43 sekundad, tegi Roy Zuo-kävutai.

Source file/Файл-источник Toižetada Allekirjutez
Label in English / Подпись на русском

Rahvahaline (Brud-) Polska («Neičeine»-pol'k, Janissa Per Hansson). Edesti Gössa Anders Andersson vl 1958, Ročinman radio. Soit: violine (roč.: fiol). Purde: Ročinman edestuzčomamahton agentuz, Keskuz ročin folkmuzikan da džazan tedoidusiš (roč.: Musikverket, Svenskt visarkiv), om ottud vn 2022 tal'vkus. Audion hätkeližuz om 1 min 19 s.

Source file/Файл-источник Toižetada Allekirjutez
Label in English / Подпись на русском

Pinspotteran (pinsetteran) südäin (kehlidenpanii mašin) boulingan sijaližen kendlpin-toižendan täht (tohusenvuiččed kehlid), American Flatbread Brighton-bobuštuzkeskuz, Boston, Massačusets-štat, AÜV:oiden pohjoižpäivnouzm, 5. eloku 2023. Videon hätkeližuz om 56 sekundad, tegi Z22-kävutai.

Source file/Файл-источник Toižetada Allekirjutez
Label in English / Подпись на русском

Avtoklavan animacii, 19. eloku 2014. Videon hätkeližuz om 2 min 17 s, om ottud socialižes YouTube-verkospäi, tegi Courtney Harrington-kävutai.

Source file/Файл-источник Toižetada Allekirjutez
Label in English / Подпись на русском

Veroližen magedan trdelník-pirgaižen slokostind Pragan Vanhan lidnan torgul, Čehanma, 5. viluku 2010. Videon hätkeližuz om 13 sekundad, tegi ElHeineken-kävutai.

Source file/Файл-источник Toižetada Allekirjutez
Label in English / Подпись на русском

Lämoinsambutandan škol — Midä otta ičezenke borcuimha lämoipalod vaste Oregon- i Vašington-štatoiš. Videon hätkeližuz om 2 min 6 s, tegi Bureau of Land Management Oregon & Washington-organizacii, Amerikan Ühtenzoittud Valdkundad, 22. kezaku 2013.

Source file/Файл-источник Toižetada Allekirjutez
Label in English / Подпись на русском

Granlibakken Tahoe-kurortan nägu dronaspäi Sannisaid—Taho Siti-lidnas Taho-järvenno, Plaser-ümbrik, Kalifornii-štatan pohjoižpäivnouzm Nevadan röunanno, Amerikan Ühtenzoittud Valdkundad, 1. eloku 2026. Videon hätkeližuz om 2 min 13 s, tegi Don Ramey Logan-kävutai.

Source file/Файл-источник Toižetada Allekirjutez
Label in English / Подпись на русском

Amerikaine bizon (latin.: Bison bison) ecib heinäd pän abul lumen katken al, rahvahaližen Jellouston-puišton londuz (angl.: Yellowstone National Park 8983 km² pindal), Vajoming-štatan lodeh, Amerikan Ühtenzoittud Valdkundad, 24. uhoku 2013. Videon hätkeližuz om 27 sekundad, tegi Yathin S Krishnappa-kävutai.

Source file/Файл-источник Toižetada Allekirjutez
Label in English / Подпись на русском

Lindud londusen Sulaibikhat-merikel'dtahos läz El' Kuveit-pälidnad, Kuveit, 9. heinku 2026. Videon hätkeližuz om 14 sekundad, tegi Di7ane-kävutai.

Source file/Файл-источник Toižetada Allekirjutez
Label in English / Подпись на русском

Vaise El'ster-jogi (saks.: Weiße Elster 257 km pitte, El'ban bassein) Äipäivän nedalin lopus, Läipcig-lidn, Saksonii-federacijanma, Saksanma, 5. sulaku 2026, pühäpäiv, 14:48. Videon hätkeližuz om 39 sekundad, tegi Roy Zuo-kävutai.

Source file/Файл-источник Toižetada Allekirjutez
Label in English / Подпись на русском

Džeims Uebb-kosmosteleskopan projektiruindan vitkotud kuvaduz. Videon hätkeližuz om 9 min 12 s, tegi amerikaižen NASA:n tedoližen vizualizacijan studii vl 2023.

Source file/Файл-источник Toižetada Allekirjutez
Label in English / Подпись на русском

Vn 1943 amerikaine eksperimentaline lühüdpiduzline mustvauged «Keskpäivän verkod»-bigifil'm (angl.: Meshes of the Afternoon). Režissörad i pärolid Maja Deren (Maya Deren, 1917–1961) i Aleksandr Hakenšmid (Alexandr Hackenschmied, 1907–2004). Avangardine fil'm, lugese znamasižeks arthausan kinematografas i mülüb AÜV:oiden Nacionaližhe fil'miden reestrha. Akt'orad oliba naimiželos fil'man sädandan aigan. Videon hätkeližuz om 13 min 48 s.

Source file/Файл-источник Toižetada Allekirjutez
Label in English / Подпись на русском

Man laskm Kudmaižen taga. Videon hätkeližuz om 45 sekundad, tegi amerikaine Gregori Rid Uaismen-käsknik-astronavt Artemis 2-missijan Kudmaižennoks aigan, sulaku 2026.

Source file/Файл-источник Toižetada Allekirjutez
Label in English / Подпись на русском

«Potömkin-somuzlaiv» (ven.: Броненосец «Потёмкин») om vn 1925 nevondkundaline bigifil'm dram-žanras. Tegi Goskino-kompanii. Režissör i scenarijan üks' tegijoišpäi om Sergei Eizenštein, prodüser Jakov Blioh. Eziauguižen scenarijan tegii om Nina Agadžanova. Fil'man tegend mäneb Venälaižen imperijan Odessan portas, vn 1905 kezakus. Eziauguižešti meletihe vasthalibundad somuzlaival fil'man vn 1905 Venäman revolücijas epizodaks vaiše, no ei olend aigad tehta toižid sen revolücijan 20-voččele jubilejale. Vändiba pärolid: Aleksandr Antonov (Vakulenčuk-merimez' ), Vladimir Barskii (Golikov-käsknik), Grigorii Aleksandrov (Gilärovskii-leitnant), Ivan Bobrov (nor' merimez' ). Videon hätkeližuz om 1 čas 10 min 44 s, titroidenke venän kelel. Nece om vn 2005 fil'man restavracii, Enno Patalas i Anna Bon udessündutiba ezmäižen ozutesen nevondkundališt versijad Deutsche Kinemathek-aluzkundan täht. Hö otiba alusikš kopijoid, kudambad kaičesoiš Nügüd'aigaižen čomamahton muzejas, Britanižes kinematografijan institutas i Saksanman Federaližes arhivas. Sihe mülütadihe fragmentoid, kudambad oliba heittud Germanijan cenzoroil 1920-nziden voziden lopus.

Source file/Файл-источник Toižetada Allekirjutez
Label in English / Подпись на русском

Aleksandr Promio-kinorežissöran fil'm, ozutab Jaffan verajad Jerusalimas, om sätud vn 1897 sulakus. Edestadihe Lionas (Francii) sen-žo voden 21. päiväl kül'mkud franc.: Jérusalem: porte de Jaffa-nimitusen al. Videon hätkeližuz om 43 sekundad, om ottud Lümjer-institutan keradusespäi.

Source file/Файл-источник Toižetada Allekirjutez
Label in English / Подпись на русском

Valdmeren kül'bendrand Abidžanan päivlaskmaižes Žakvil'-ezilidnas (Kot d'Ivuaran suvi) meriveden korktan ližadumižen (vezinouzendan) aigan vn 2026 semendkus. Videon hätkeližuz om 19 sekundad, tegi Poro26-kävutai.

Source file/Файл-источник Toižetada Allekirjutez
Label in English / Подпись на русском

Hasselblad L3D-100c-fotokameran diafragman lehtesed sauptas f/2..f/11-diapazonas i avaitas möst f/2-olendhasai. Se kameran toižend om levedsaumaine i kävutase Mavic 4 Pro-dronal (tegii DJI). Tämbäi (elokun 19. päiväl) om Mail'man fotografijan päiv (angl.: World Photography Day). Diafragman rol' om tarbhaine («integraline»), se om päkomponentaks fotografiruimižes. Videon hätkeližuz om 15 sekundad, 5. sulaku 2026, tegi D-Kuru-kävutai.

Source file/Файл-источник Toižetada Allekirjutez
Label in English / Подпись на русском

Rahvahaline Kjölens bit («Kjölensan bit»). Edesti Sigurd Jansson Uppsalan Smedbü- i Tobo-ezilidnoiš vl 1962, Ročinma. Soit: violine hobedakahanke koskmenke nikel'harpan toižendan. Purde: Ročinman edestuzčomamahton agentuz, Keskuz ročin folkmuzikan da džazan tedoidusiš (roč.: Musikverket, Svenskt visarkiv), om ottud vn 2022 kül'mkus. Audion hätkeližuz om 41 sekundad.

Source file/Файл-источник Toižetada Allekirjutez
Label in English / Подпись на русском

Evropine kapospedr (latin.: Dama dama subsp. dama) londuseližes Granat-puištos (saks.: Naturwildpark Granat 60 ga pindal), Hal'tern-am-Ze-lidn, Pohjoine Rein da Vestfalii-federacijanman keskuzpalan lodeh, Saksanma. Videon hätkeližuz om 2 min 3 s, 17. eloku 2014 vai sen aigemba, tegi Frank Vincentz-kävutai.

Source file/Файл-источник Toižetada Allekirjutez
Label in English / Подпись на русском

Bolgarijan valdkundaližiden raudteiden 43-klassan elektrovedim (BDŽ 43 532) ajab cisternvagonoiden rived ičeze jäl'ghe. Videon hätkeližuz om 47 sekundad, 30. kezaku 2012, om ottud socialižes YouTube-verkospäi, tegi TrainzBulgariaReal-kävutai.

Source file/Файл-источник Toižetada Allekirjutez
Label in English / Подпись на русском

Šveicarijan kundaližen teleradiooigendusen sel'gitai «Kut vingfoiling radab?»-video (saks.: Wie funktioniert Foiling?). Vingfoiling (vinging) om sörfingan toižend, sportnik seižub laudal vedenalaiženke suuganke i pid'oitelese vedadud tulleil il'msuugha. VA-suugan form om mugoine, miše painuz sen päl om vähemb mi sen al likumižes, sen tagut laud libub veden päl. Videon hätkeližuz om 36 sekundad, 12. sügüz'ku 2024, tegi Distribution Wissen SRF-kävutai.

Source file/Файл-источник Toižetada Allekirjutez
Label in English / Подпись на русском

Lüdvig van Bethoven-muzikankirjutajan sonatan nomer 8 fortepjanon täht fragment (C minor, Op. 13 Pathétique), edesti Vanessa Džonson (Vanessa Johnson) El' Paso-lidnan Ezmäižes presviterianižes jumalanpertiš, Tehas-štat, AÜV, 7. eloku 2020. Videon hätkeližuz om 5 min 18 s, om ottud jumalanpertin kanalaspäi socialižes YouTube-verkos, anglijan kelen amerikaižel paginal.

Source file/Файл-источник Toižetada Allekirjutez
Label in English / Подпись на русском

Vn 2026 manrehkaiduz Kolumbijas — pertin jändused Pereir-lidnas, Kolumbijan päivlaskm, elokun 10. päivän manrehkaidusen jäl'ghe. Videon hätkeližuz om 11 sekundad, 11. eloku 2026, edesti rahvahidenkeskeine hüvädtegii World Central Kitchen-organizacii («Mail'man keskuzline keitimpol'», sötleb ristituid ku nuž om katastrofiden jäl'ghe).

Source file/Файл-источник Toižetada Allekirjutez
Label in English / Подпись на русском

Mozarteum Salzburg-aluzkundan Klaudius Tanski-professor (Claudius Tanski) starinoičeb sen-žo aluzkundan Kallum Maklahlan-bakalavrale (Callum McLachlan) Lüdvig van Bethoven-muzikankirjutajan sonatan nomer 8 fortepjanon täht fragmentas (Op. 13 Pathétique), kut väta paremba, opendamine vändon tehnikale, 20. viluku 2020. Videon hätkeližuz om 17 min 9 s, om ottud socialižen YouTube-verkon Henleverlag-kanalaspäi, anglijan kelel.

Source file/Файл-источник Toižetada Allekirjutez
Label in English / Подпись на русском

Kut antta oikti papeda-blödad (pudr sagopal'man tüven jauhospäi) painatosenke pakuižes kalaspäi, 8. uhoku 2026. Videon hätkeližuz om 27 sekundad, tegi Affandy Murad-kävutai (Džakart, Indonezii), indonezijan kelel.

Source file/Файл-источник Toižetada Allekirjutez
Label in English / Подпись на русском

Kojotan poigaižed (latin.: Canis latrans) Nacionaližes hirbiden kel'dtahos (angl.: National Elk Refuge 100 km² pindal), Vajoming-štatan päivlaskmaiženno röunanno, AÜV. Ned koume poigašt oma sündnuded kel'dtahoze. Ku kacta tarkemba, ka voib nähta lebaidajad täuz'kaznut kojotad läheli. Videon hätkeližuz om 29 sekundad, 27. semendku 2021, tegi Kari Cieszkiewicz/USFWS Mountain-Prairie-kävutai.

Source file/Файл-источник Toižetada Allekirjutez
Label in English / Подпись на русском

Tokion metropolitenan avtomatižen Jurikamome-jonon (japon.: ゆりかもめ Yurikamome «kajag», om Tokion prefekturan emblemal) šinkezroil täuz' maršrut, nägu jonusen eziištmelpäi. Jono ühtenzoitab Tokion keskuzpalan randirdan Simbasi- i Tojosu-stancijoid, znamoičese U-kirjamel, kuz'toštkümne stancijad 14,7 km tel. Videon hätkeližuz om 32 min 15 s, 16. eloku 2025, tegi 鐘建坪-kävutai, om ottud socialižes YouTube-verkospäi.

Source file/Файл-источник Toižetada Allekirjutez
Label in English / Подпись на русском

The Picture is not complete-kompozicii («Kuva ei ole täuz'» anglijan kelespäi) Saksanman D-Sailors-pankrokgruppan Mind Dressing-al'bomaspäi («Soban toštmižpanend päle meles»). Muzikgrupp Julih-lidnaspäi (Pohjoine Rein da Vestfalii-federacijanman suvipäivlaskm) oli väges vll 1993−2010, edesti sen Uli Breitbach-pajatai. Audion hätkeližuz om 2 min 36 s, keväz'ku 2000.

Source file/Файл-источник Toižetada Allekirjutez
Label in English / Подпись на русском

Purehsport, amerikaižen Harbor 20-toižendan astjoiden voibištelend mödtulleil. Videon hätkeližuz om 17 sekundad, tegi Don Ramey Logan-kävutai vn 2026 kezakus vai sen aigemba.

Source file/Файл-источник Toižetada Allekirjutez
Label in English / Подпись на русском