Šablon:Potd/2025-06-16 (vep)

Zell'karakatic (latin.: Sepia officinalis) mollüskiden Sepiidae-sugukundaspäi londuseližes Arrabid-puištos (port.: Parque Natural da Arrábida 176,41 km² pindal), Portugalijan keskuzpalan suvipäivlaskm läz Setubal-lidnad, 7. sügüz'ku 2021. Se om karakaticoiden kaikiš tetabambiš da surembiš erikoišpäi. Se erik sätab migracijan voz'aigoidme, eläb randanno kudondan aigan kevädel da kezal, sid' sirdab süvüzile 100..200 metrhasai sügüzeks da tal'veks. Heiden elo om ühten..kahten voden hätkte vaiše. Äi lihansöjid mecatas heid, sen paloin akulad, del'finad, tülenid, kalad, pänjaugaižed mollüskad, toižed karakaticad-ki. Päivän aigan karakaticoiden enambuz om süvüdel i aktivitoi, no öližel aigal ectäs sališt i voidas tehta londoid substratan tagapäi. Živatad oma lihansöjikš iče, ottas sömäks nenid: rakanvuiččed (krabad, krevetad), hen kala, mollüskad (kaks'korižed i edenoid), erasti toižed karakaticad.