Šablon:Potd/2025-10-15 (vep)

Katoližen tulendan Pühän Sal'vadoran jumalanpertin südäin Luesii-küläs (isp.: iglesia de San Salvador, Luesia, 331 rist. vl 2024) pohjoižhe Saragos-lidnaspäi, avtonomižen Aragon-ühthižkundan lodeh, Ispanijan pohjoižpäivnouzm, 4. viluku 2023. Pühäpert' sijadase külän keskusen korktembaižes sijas, läz Keskaigan zamkan jändusid (Luesijan zamk, 10.-16. voz'sadad), kudambanke om sidodud istorižikš i konstruktivižikš. Jumalanpertin sauvond zavodihe 11. voz'sadan lopus, sen aigan pol'kehker koumekerdaine apsid om saudud kaksitadud sklepanke alahan. Letihe korpusad koumenke nefanke 12. voz'sadan aigan. Kaks' portalad suvižel i päivlaskmaižel ocseinil sättudas 13. voz'sadan augotišen modelile. Sauvuz rimalaižes stiliš oli vajehtadus lujas 16. voz'sadan keskes. Päine altar' om sätud rimalaižes stiliš, se om tehtud puspäi, polihrohmine i om kuldoitud, tegi Gaspar Ramos (skul'ptor Sangüesa:späi) ezimeletaden läz 1630. vot.