Šablon:Potd/2025-11-16 (vep)

Bazilikjumalanpertin südäin penes Havjer-žilos (isp.: Javier, bask.: Xabier) avtonomižen Navarr-ühthižkundan i agjan päivnouzmas, Ispanijan pohjoine, 5. viluku 2023. Katoline pühäpert' mülüb Havjer-zamkan ansamblihe. Zamkan aluz om pandud 10. voz'sadal, bazilikjumalanpert' om saudud 19. voz'sadan lopus i 20. voz'sadan augotišes. Pertin südäin om sätud eklektikan stiliš. Unikaline nef om tehtud hahkas kivespäi i vauktas mramoraspäi neogotikan stiliš. Marselino Santamaria-pirdai (Marcelino Santamaría) Burgosaspäi tegi vitražid. Päaltar' om dekorativižen čomamahton säduseks, se om vestatud kivespäi i inkrustiruidud mozaikal, bronzal da emalil Parižan Bia-pertil (Biais). Skinii sijadase goreljefal, kudamb kuvadab Pühän Franciskan Ksaverijan valatust da pühäpaginad. Se baskan augotižlibundan katoline pühämez' (1506−1552) oli sündnu žilho i oli katoližen missioneran Indijas, Suvipäivnouzmaižen Azijan i Edahaižen Päivnouzman maiš, ezmäižen Japonijas, jezuitoiden ordenan alusepanijoišpäi.