Vepsän kul'turan muzei
Vepsän kul'turan muzei vai Šoutjärven vepsläine etnografine muzei (ven.: Шёлтозе́рский ве́псский этнографи́ческий музе́й) — Venäman radai muzei, Karjalan Tazovaldkundan Kodirandantedištandmuzejan filial. Sijadase Karjalan Tazovaldkundan Änižröunan rajonan Šoutjärv'-žilos.
Vepsän muzei radab vodespäi 1967, sijazihe Šoutjärven kirjištos eziauguižešti. Muzejan augonpanii om Rürik Lonin. Vhesai 1980 muzei oli rahvahaline. Vspäi 1980 kätihe sidä Karjalan Tazovaldkundan Kodirandantedištandmuzejan palakundaks, vspäi 1987 — sen-žo filialaks. Erasen-se aigan muzei oli internatan sauvuses Goristai-irdal. Vspäi 1991 muzei sijadase žilon enččen Mel'kin-torgovanan puižes pertiš, Počtovai-irdal. Nügüd'aigan muzejas om enamba mi seičeme tuhad ozuteluzkaluid.
Muzejan fondan paäpala om keratud Venäman koumen regionan vepsän küliš: Karjal (Kaleig, Šokš, Šoutjärv'), Leningradan i Vologdan agjad.
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]- Lehtpol' Kodirandan muzejan saital (kgkm.karelia.ru) venän kelel da anglijan kelel
- Šoutjärven muzejale täudub 50 vot // Radiooigenduz 20-02-2017. — VTR «Karjal»-kompanii (tv-karelia.ru). (veps.)
 |
Vepsän kul'turan muzei Vikiaitas |