20. sügüz'ku
20. sügüz'ku om voden 263. päiv (264. päiv ližapäivvodes) grigorianižen kalendarin mödhe. Voden lophusai jäb 102 päiväd. Petroskoiš päiväine nouzeb 6 časud 27 minutad homendest, laskese taivhanröunan taga 18 časud 57 minutad ehtad. Päivän hätkeližuz 12 časud 30 minutad. Vanh kudmaine (kun igä 27,2 päiväd).
Vn 1582 15. redukuhusai — 20. sügüz'kud julianižen kalendarin mödhe, vn 1582 15. redukuspäi — 20. sügüz'kud grigorianižen kalendarin mödhe.
20. i 21. voz'sadoil sättub 7. sügüz'kule julianižen kalendarin mödhe.
Praznikad da muštpäiväd
[vajehta | vajehtada lähtetekst]- Venäma — Nekruteran päiv Venämas (ven.: День рекрутера в РФ).
- Venesuel, Peru, Urugvai — Meliden joudjaližen avaidusen päiv (isp.: Día de la Libertad de Expresión de Pensamiento).
- Tailand — Rahvahaline norišton päiv.
- Azerbaidžan — Azerbaidžanan kivivoiradnikoiden päiv (azerb.: Azərbaycanda neftçilər günü).
- Vaugedvenäma — Muitradnikan päiv (ven.: День таможенника).
- Kirgizstan — Edheotajan päiv (ven.: День предпринимателя).
Azjtegod
[vajehta | vajehtada lähtetekst]- 1519 — zavodihe Fernan Magellanan tedotuzmatk.
- 1862 — Piteriš om tehtud ezmäine Venämal konservatorii.
- 1878 vai 1885 — Piteriš avaitihe Bestuževan üläkursid — ezmäine Venämal akoiden universitet.
- 1929 vai 1949 — Änižtagaižen rajonan (nüg. Medvežjegorskan rajon) Hašezero-küläs čomamahtkäzitöiden «Hašezeron pometiž»-artel' oli sätud (nüg. «Karjalan poimetiž»-edheotand, Medvežjegorsk-lidn).
- 1946 — avaitihe ezmäšt Kannan kinofestivalid.
- 2002 — Kolkan jäžoman lähtend Pohjoižosetijas. 125 kolnut, sen lugus Sv'aznoi-fil'man tegendan jouk.
Sündnuded
[vajehta | vajehtada lähtetekst]- 1934 — Sofi Loren (todesine nimi Sofia Villani Šikolone), italine kinoaktris da pajatai, sai Oskar-kinopremijad i vit Kuldaine globus-premijad.
- 1968 — Dmitrii Černišenko, venälaine valdkundmez', Venäman valdkundmehišton varapämez' luguekonomikan, sidon, lehtišton da innovacijoiden, mugažo kul'turan, turizman da sportan küzundoiden mödhe, Volgaveren federaližen ümbrikon ohjandai.
Kolnuded
[vajehta | vajehtada lähtetekst]- 1957 — Jan Sibelius, suomalaine muzikankirjutai.
- 1999 — Raisa Gorbačova, nevondkundaline aktivist, Mihail Gorbačov-prezidentan ak.
- 2000 — German Titov, nevondkundaline kosmonavt nomer kaks', NSTÜ:n vägimez'.
Primetindad
[vajehta | vajehtada lähtetekst]- Laukan (Lukun) päiv.
- Necil nedalil kaikjal loptäs laukan obrädindad.
- Necil päiväl neiččed pletiba kasad laukaspäi.